ابوظہبی میں دھند، کیا موسمِ سرما آرہا ہے؟ -
The news is by your side.

Advertisement

ابوظہبی میں دھند، کیا موسمِ سرما آرہا ہے؟

دبئی: متحدہ عرب امارات کے متعدد علاقوں میں آج دھند چھائی رہی اور مطلع کہر آلود رہا، شہریوں کو لگتا ہے کہ امارات میں موسمِ سرما کی شروعات ابھی سے ہورہی ہے۔

تفصیلات کے مطابق آج پیر کی صبح ابو ظہبی سمیت کئی اماراتی شہر وں میں دھند چھائی رہی جس کے سبب محکمہ موسمیات نے حدِ نظر کم ہونے کی وارننگ جاری کردی تھی۔

امارات کے محکمہ موسمیات کے مطابق ابو ظہبی کے مغربی علاقے الغیاتی میں دھند کا زور شدید رہا جس کے سبب ڈرائیورز کو پریشانی پیش آنے کا امکان تھا تاہم کسی حادثے کی اطلاع موصول نہیں ہوئی۔

ابوظہبی کے دیگر علاقے بھی دھند کی لپیٹ میں رہے جن میں الدھافرا، الرویس، بینوا اور السلہ شامل ہیں۔ حدِ نگاہ کم ہوجانے سےصبح پانچ بجے کے قریب کا ر سواروں کے لیے پہلے پیلی اور پھر سرخ وارننگ جاری کی گئی۔

ملک میں کم سے کم درجہ حرارت صبح 6 بج کر 15 منٹ پر کوہِ جائیس کے مقام پر23.5 ڈگری سینٹی گریڈ ریکارڈ کیا گیا۔

یاد رہے کہ گزشتہ ہفتے یو اے ای میں درجہ حرارت پچا س ڈگری سینٹی گریڈ تک چلا گیا تھا اور ابھی بھی اماراتی شہریوں کو گرم موسم برداشت کرنا ہے ، آج بھی درجہ حرارت 35 ڈگری تک جانےکا امکان ہے۔

ماہرین کا کہنا ہے کہ دھند جو کہ عموماً موسم سرما میں ہوتی ہے اس کی آمد کا کوئی امکان نہیں تاہم ہوا میں نمی میں اضافے کے سبب آج شام اور آئندہ صبح بھی دھند متعدد علاقوں کو اپنی لپیٹ میں لے سکتی ہے۔

Comments

comments

یہ بھی پڑھیں