اومان: اردن میں پناہ گزینوں کے کیمپوں میں 36 لاکھ کھانوں کی تقسیم کی گئی، یہ تقسیم ایک ارب کھانوں کی تقسیم کی مہم کا حصہ ہے۔
بین الاقوامی ویب سائٹ کے مطابق 1 ارب کھانوں کی مہم کے تحت اردن میں پناہ گزین کیمپوں میں 36 لاکھ کھانوں کی تقسیم مکمل کرلی گئی۔
فوری طور پر قابل تبادلہ اسمارٹ واؤچرز کی شکل میں یہ کھانے اقوام متحدہ کے ورلڈ فوڈ پروگرام (ڈبلیو ایف پی) کے تعاون سے مستحقین میں براہ راست تقسیم کیے گئے۔
ڈبلیو ایف پی کے تعاون سے، محمد بن راشد المکتوم گلوبل انیشیٹوز (ایم بی آر جی آئی ) کے زیر اہتمام ایک ارب کھانے کے منصوبے کے تحت یہ کھانے اردن کے پناہ گزین کیمپوں میں ایک فوڈ سیفٹی نیٹ بناتے ہوئے ضرورت مندوں ایک وسیع طبقے تک پہنچائے گئے۔
اردن میں 40 ہزار 109 افراد کو فوڈ سپورٹ فراہم کرتے ہوئے، سمارٹ واؤچرز مستفید کنندگان کے موبائل فون پر الیکٹرانک کوڈ کے طور پر بھیجے گئے جس سے مستفید ہونے والے ڈبلیو ایف پی سے تصدیق شدہ دکانوں، گروسری اور بیکریوں سے اپنی ضرورت کا کھانا خرید سکتے ہیں۔
ایم بی آرجی آئی کی ڈائریکٹر سارہ النعیمی کا کہنا ہے کہ اردن میں پناہ گزین کیمپوں میں اس مہم کے تحت ضرورت مندوں کو براہ راست کھانوں کی فراہمی ہمارے منفرد تعاون کے ماڈل کی عکاسی کرتی ہے۔
اس مہم نے بھوک کے خلاف عالمی جنگ اور غذائی قلت، جس سے دنیا بھر میں 82 کروڑ 80 لاکھ سے زیادہ لوگوں کی زندگیوں کو خطرہ لاحق ہے، میں فعال کردار ادا کیا ہے۔
