صحت مند زندگی گزارنا ہر انسان کی خواہش ہے مگر اس میں کامیابی کیلئے کسی مفید بھی مشورے یا ہدایت پر مستقل مزاجی اور پرہیز کئے بغیر عمل کرنا بے مقصد ہوجاتا ہے۔
اس سلسلے میں ڈاکٹرز اور ماہرین صحت ہمیشہ صحت مند زندگی کے لیے طاقتور اور مناسب غذا کھانے کا مشورہ دیتے ہیں تاکہ جسم کی نشوونما میں کوئی خلل پیدا نہ ہو لیکن یہ سوال بہت اہم ہے کہ جسم کے لیے صحت مند کھانا کون سا ہے؟
صحت مند کھانے کا مطلب کھانے کی عادات کو اپنانا ہے جس میں سب سے اہم غذائی اجزا اور جسم کو درکار کیلوریز کی مناسب مقدار حاصل کرنا ہے۔
ایم ایس این نیوز کے مطابق ڈاکٹرز اور ماہرین غذا کا کہنا ہے کہ اس بات کا یقین کرنے کے لیے کہ آپ کا کھانا صحت مند ہے آپ اپنے کھانے میں درج ذیل چیزوں کو یقینی بنائیں۔
ان غذاؤں میں سبزیاں، پھل، اناج، کم چکنائی والے دودھ کی مصنوعات، پروٹین پر مشتمل مختلف کھانوں کی اشیاء (جیسے سمندری حیات، مرغی، انڈے، پھلیاں، گری دار میوے، سویا کی مصنوعات شامل ہیں۔
دوسری طرف اس کا مطلب یہ ہے کہ آپ کو کچھ کھانوں کی مقدار کو کم کرنا ہوگا یا اس مقدار کو محدود کرنا ہوگا جس کی آپ تھوڑی مقدار میں کچھ عناصر کھاتے ہیں، اہم ترین عناصر جن کو کم کرنا ضروری ہے۔
سوڈیم (کھانے کانمک) : یہ نمک سے یا ڈبے والے کھانے اور فاسٹ فوڈ وغیرہ میں ہوتے ہیں، اس میں شربت اور مصنوعی میٹھا شامل ہے جو سوڈا، دودھ ، سفید اور بھوری چینی میں ہوتاہے۔
چربی : جانوروں کی کچھ مصنوعات جیسے پنیر ، چربی والے گوشت اور چربی کا مکھن ، کھجور کے تیل اور ناریل کے تیل جیسے پودوں کی کچھ مصنوعات میں پائے جاتے ہیں۔
اناج اور نشاستہ : اس میں سفید روٹی، پراٹھے اور کچھ نمکین کھانے بھی شامل ہیں۔
وزن کم کرنے کے لیے پرہیزی غذا
اگرچہ وزن کم کرنے کے لیے کچھ طریقوں پر عمل کیا جاتا ہے لیکن وزن کم کرنے اور صحت مند وزن برقرار رکھنے کا ایک بہترین طریقہ مناسب غذا ہے۔
وزن کم کرنے یا وزن پر قابو پانے کا ایک بہتر طریقہ یہ ہے کہ آپ جو کھانے کھاتے ہیں ان میں تنوع پیدا کریں تاکہ آپ صحت مند کھانے کی ایک بڑی حد کو شامل کرسکیں, عام اصول کے طور پر وزن کم کرنے کے لیے بھی صحت مند غذا ہونی چاہیے۔
اس بات کو یقینی بنائیں کہ بہت زیادہ پانی پئیں اور کیفین کے استعمال کو کم کریں۔ الکوحل کا استعمال محدود رکھیں کیونکہ یہ آپ کے گردوں کو نقصان پہنچا سکتا ہے۔
صحت مند کھانے میں تمام غذائی اجزاء شامل ہوں جن میں وٹامنز ، پروٹین اور چربی شامل ہوں۔ اگر آپ اپنا وزن کم کرنا چاہتے ہیں تو جسمانی افزائش اور کام کرنے کے لیےضروری مواد سے خود کو محروم نہ رکھنا ضروری ہے۔
