مقبوضہ بیت المقدس : فوٹیج کے سوشل میڈیا پروائرل ہونے کے بعد اس واقعے کے خلاف فلسطینی عوام میں شدید غم و غصے کی فضاء پائی جا رہی ہے۔
تفصیلات کے مطابق آئے روز قابض صہیونی فوج کے ہاتھوں نہتے فلسطینیوں کو راہ چلتے گولیاں مار کر شہید کردیا جاتا ہے۔ ماورائے عدالت فلسطینیوں کے قتل کے واقعات سے انسانی حقوق کی سنگین خلاف ورزیاں کھل کر سامنے آرہی ہیں۔
صیہونی فوجیوں کے ظلم و بربریت کی ایک ویڈیو حال ہی میں سوشل میڈیا پر وائرل ہوئی ہے جس میں فلسطین پر قابض اسرائیلی فوجیوں کی تفریحاً ایک نوجوان کو فائرنگ کرکے شہید کرتے دیکھا جاسکتا ہے۔
کمزور دل افراد یہ ویڈیو نہ دیکھیں
בעקבות חשיפת התיעוד שהבאנו אתמול ב- @newsisrael13, בו נראה פלסטיני נורה בגבו בכדור ספוג שידיו באוויר, הבוקר הנחה מפקד מג”ב, ניצב יעקב שבתאי להראות ללוחמים בשטח את הסרטון כדי שמקרה כזה לא יחזור על עצמו pic.twitter.com/quHp1ocPjj
— yishai porat (@yishaiporat) November 3, 2019
واضح رہے کہ یہ فوٹیج اپنی نوعیت کا پہلا واقعہ نہیں بلکہ اس طرح کے واقعات روز کا معمول بن چکے ہیں۔
فلسطینیوں کو بغیر کسی خطرے کے گولیوں کا نشانہ بنانا صہیونی فوج کا سب سے پسندیدہ مشغلہ بن چکا ہے۔
فلسطینی خبر رساں ادارے کی رپورٹ کے مطابق فوٹیج کے سوشل میڈیا پر وائرل ہونے کے بعد اس واقعے کے خلاف فلسطینی عوام میں شدید غم و غصے کی فضاء پائی جا رہی ہے۔
