The news is by your side.

Advertisement

معروف فٹبالر نے اسلام قبول کر لیا

نیدر لینڈ سے تعلق رکھنے والے معروف فٹبالر کلیرنس سیڈورف نے اسلام قبول کر لیا۔

فٹبال کلبز اے سی میلان، ریال میڈرڈ اور ایجیکس کے سابق مڈ فیلڈر کلیرنس سیڈورف نے انسٹا گرام پر ایک اپنی ایرانی نژاد اہلیہ کے ہمراہ تصویر شیئر کرتے ہوئے اسلام قبول کرنے کی تصدیق کی۔

کلیرنس سیڈورف نے پوسٹ میں لکھا کہ میں خصوصی طور پر ان لوگوں کا بے حد شکریہ ادا کرتا ہوں جنہوں نے میرے اسلام قبول کرنے پر عمدہ پیغامات بھیجے، میں انتہائی خوش ہوں۔

 

View this post on Instagram

 

A post shared by Clarence Seedorf (@clarenceseedorf)

فٹبالر نے لکھا ”دنیا بھر کے مسلمان بھائیوں اور بہنوں بالخصوص اپنی اہلیہ صوفیہ کے ساتھ جڑ جانے پر فخر محسوس کر رہا ہوں، صوفیہ نے مجھے اسلام کا مطلب گہرائی سے سمجھایا۔

انہوں نے واضح کیا کہ وہ اپنا اصل نام ”کلیرنس سیڈورف“ تبدیل نہیں کر رہے جو ان کے والدین نے رکھا ہے۔کلیرنس نے کھا کہ میں دنیا بھر میں اپنے چاہنے والوں سے محبت کرتا ہوں۔

فٹبالر کی اہلیہ صوفیہ نے بھی انسٹا گرام پر شوہر کے اسلام قبول کرنے پر خوشی کا اظہار کیا۔ صوفیہ نے لکھا ”میں اس خوبصورت لمحات کا حصہ ہونے پر انتہائی خوش اور فخر محسوس کر رہی ہوں، میری محبت نے آج اسلام قبول کر لیا۔“

 

View this post on Instagram

 

A post shared by Sophia Makramati (@sophiamakramati_)

صوفیہ نے شوہر کو مخاطب کرتے ہوئے لکھا کہ میں آپ کو خوش آمدید کہتی ہوں اور دعا کرتی ہوں کہ خدا آپ پر مہربان رہے اور دنیا آپ سے متاثر ہو۔

کلیرنس سڈورف چیمپئنز لیگ کی تاریخ میں تین مختلف کلبز کے ساتھ ٹرافی جیتنے والے واحد کھلاڑی ہیں۔

Comments

یہ بھی پڑھیں