The news is by your side.

Advertisement

پی آئی اے کی اونچی اڑان ، ادارہ 8 سال بعد منافع میں آگیا

کراچی: قومی ایئرلائن ( پی آئی اے ) کی بہترین حکمت عملی کے باعث 8 سال میں پہلی دفعہ 8 ارب روپے کا خالص منافع ہوا، ائیر مارشل ارشد ملک نے تمام ملازمین اور محنت کشوں کو مبارکباد دیتے ہوئے کہا سال 2019 ہمارا ٹرن اراونڈ کا سال تھا، جس میں تمام ملازمین نے انتظامیہ کے ساتھ مل کر بہت محنت کی۔

تفصیلات کے مطابق قومی ایئرلائن ( پی آئی اے )نےسال2019کے نتائج جاری کردئیے ، سی ای اوارشدملک کی سربراہی میں پہلے سال کےنتائج اسٹاک ایکسچینج میں جمع کرائے گئے۔

نتائج کے مطابق 2019 میں پی آئی اے کے ریونیو میں 43 فیصد اضافہ جو 104 ارب سے بڑھ کر 148 ارب تک پہنچ گیا، جس کے بعد 8 سال میں پہلی دفعہ پی آئی اے کو گراس منافع ہوا۔

جاری نتائج میں کہا گیا 2018 میں پی آئی اے کو 18 ارب کا گراس خسارہ ہوا تھا جو 2019 میں 8 ارب گراس منافع میں تبدیل ہوگیا، پی آئی اے کے کل آپریشنل نقصان میں 76 فیصد کی کمی۔ آئی.

پی آئی اے نے 2018 میں 32 ارب کا آپریشنل نقصان کیا تھا جو 2019 میں کم ہو کے 7۔7 ارب رہ گیا ہے ، 2019 کے دوسرے چھ مہینوں میں پی آئی اے نے بریک ایون کیا تاہم پہلے چھ مہینوں میں ہونے والے خسارے کی وجہ سے سال 7۔7 ارب پر بند ہوا۔

پی آئی اے کے کل خسارہ میں سال 2018 کے خسارے کو فنانس کرنے کے باوجود 2019 میں 19 فیصد کی کمی ہوئی جبکہ سیٹ فیکٹر میں بھی واضح اضافہ جو 77 فیصد سے بڑھ کر 81 فیصد ہو گیا۔

واضح رہے دنیا کی بہترین ایئرلائنز کا سیٹ فیکٹر 80 فیصد کے قریب ہوتا ہے۔

ائیر مارشل ارشد ملک نے تمام ملازمین اور محنت کشوں کو مبارکباد دیتے ہوئے کہا سال 2019 ہمارا ٹرن اراونڈ کا سال تھا جس میں تمام ملازمین نے انتظامیہ کے ساتھ مل کر بہت محنت کی۔

سی ای او پی آئی اے کا کہنا تھا کہ جب انتظامیہ سنبھالی تو پی آئی اے کے دو سالوں (2017-2018) کا آڈٹ اور فنانشل نتائج التواء کا شکار تھے ، قلیل مدت میں تین سالوں (2017-2019) کا آڈٹ کروانا میری فنانس ٹیم کی بہت بڑی کامیابی ہے۔

ائیر مارشل ارشد ملک نے مکمل سپورٹ پر وزارت ہوابازی, غلام سرور خان اور وزیر اعظم پاکستان کا شکریہ ادا کیا اور کہا کہ سال 2020 ایک چیلنجنگ سال ہے جس میں عالمی سطح پر ہوا بازی کی صنعت زوال کا شکار ہوگئی ہے، بہت محنت کرنا ہوگی اور مشکل فیصلے کرنا ہوں گے مگر اللہ کی مدد شامل حال رہی تو کچھ بھی ناممکن نہیں۔

وزیرہوبازی غلام سرور خان نے حوصلہ افزا نتائج پر پی آئی اے کو مبارکباد دیتے ہوئے کہا حکومت پاکستان اور وزارت ہوابازی پی آئی اے کے حالیہ اور آئیندہ کئے جانے والے انتظامی اقدامات کو مکمل حمایت کرتی ہے، پی آئی اے کی بحالی کیلئے ہر ممکن وسائل کو بروکار لایا جائے گا غلام سرور خان

fb-share-icon0
Tweet 20

Comments

comments

یہ بھی پڑھیں