واشنگٹن : امریکا کے مشہور زمانہ جریدے ’فوربز‘ نے دنیا میں سب سے زیادہ معاوضہ کمانے والے افراد کی فہرست جاری کردی، جس میں امریکی باکسر فلائڈمے پہلے جبکہ کم عمر ارب پتی کائلی جینیر تیسرے نمبر پر موجود ہیں۔
تفصیلات کے مطابق امریکا کے مشہور کاروباری میگزین ’فوربز‘ نے سالانہ بنیادوں پر سب سے زیادہ پیسے کمانے والے 100 افراد کی فہرست جاری کردی، جس میں پہلے دس نمبروں پر آنے والے انٹرٹینرز کا تعلق برطانیہ، امریکا، پرتگال، آئرلینڈ اور ارجنٹائن سے ہے۔
فوربز میگزین نے دنیا میں سب سے زیادہ معاوضہ کمانے والے افراد میں اداکار، وکلاء، میوزک بینڈز، فٹبالر، جج، مارشل آرٹ، باکسرز، کرکٹر، اور فٹبالر شامل کیا ہے۔
امریکی جریدے فوربز کے مطابق دنیا کی امیر شخصیات میں پہلے نمبر پر امریکا کے مشہور زمانہ باکسر 41 سالہ فلائڈ مے برجمان ہیں، جن کی سالانہ آمدنی 28 کروڑ 50 لاکھ ڈالر ہے جو پاکستانی روپوں میں 34 ارب سے زائد کی رقم بنتی ہے۔
فوربز میگزین کی فہرست میں دوسرے نمبر پر امریکا کے 57 سالہ آسکر ایوارڈ یافتہ، ہدایت کار و اداکار جارج کلونی موجود ہیں، جن کی سالانہ آمدنی 23 کروڑ 90 لاکھ ڈالر ’28 ارب 56 کروڑ 42 لاکھ‘ ہے۔
معروف کاروباری جریدے فوربز میگزین میں امیر ترین افراد کی ٹاپ ٹین فہرست میں جگہ بنانے والی 20 سالہ امریکی ماڈل و کاروباری شخصیت کائلی جینیر ہیں جو سالانہ 16 کروڑ 60 لاکھ ڈالر ’20 ارب 23 کروڑ ڈالر‘ کمانے والی پہلی کم عمر ترین خاتون ہیں۔
دنیا کے امیر ترین افراد کی فہرست میں چھوٹی پوزیشن لینے والی 75 سالہ ’جوڈی شائنڈلن‘ امریکا کی ماہر قانون ہیں، جن کی سالانہ آمدنی 14 کروڑ 70 لاکھ ڈالر ہے جو 14 ارب 70 کروڑ پاکستانی روپے سے زائد ہے۔
اسی طرح فوربز کی فہرست میں پانچویں نمبر پر آنے والے ہالی ووڈ کے مشہور زمانہ اداکار ڈوائن جانسن جنہیں دنیا ’دی راک‘ نام جانتی ہے، دی راک نے سالانہ 12 کروڑ 40 لاکھ ڈالر ’15 ارب 7 کروڑ پاکستانی روپے‘ معاوضہ کمایا ہے۔
امریکا کے معروف سپر اسٹار ڈوائن جانسن مداحوں کو جمانجی اور فاسٹ اینڈ فیوریس جیسی کامیاب فلمیں دے چکے ہیں۔
امریکی جریدے کی ٹاپ تین لسٹ میں چھٹے اور ساتویں نمبر پر آئرلینڈ کا مشہور بینڈ یوٹو اور برطانیہ کا کولڈ پلے براجمان ہے۔ جن کی سالانہ آمدنی 11 کروڑ 80 لاکھ اور 11 کروڑ 55 لاکھ ڈالر ہے۔
آٹھویں پوزیشن ارجنٹینا کے 31 سالہ ممتاز فٹبالر لیونل میسی لی ہے جن کی آمدن 11 کروڑ 10 لاکھ ڈالر ہے جو 11 ارب 10 کروڑ پاکستانی روپے سے زائد ہے۔
برطانیہ کے گلوکار ایڈ شیران بھی دنیا کے سب سے زیادہ معاوضہ کمانے افراد کی فہرست میں شامل ہیں جن کی سالانہ آمدنی 11 کروڑ ڈالر ہے جس کے باعث انہیں فوربز میگزین کی فہرست میں شامل کیا گیا۔
فٹبال کی دنیا کا مشہور نام پرتگالی کھلاڑی کریسٹیانو رونالڈو امیر ترین شخصیات کی فہرست میں دسویں نمبر موجود ہیں جنہوں نے سالانہ 10 کروڑ 80 لاکھ ڈالر یعنی 10 ارب 80 کروڑ پاکستانی روپے سے زائد کمائے ہیں۔
کاروباری شخصیات کے جریدے ’فوربز‘ کی امیر ترین افراد کی فہرست میں 13 ویں نمبر پر برازیل فٹبالر ٹیم کے مایہ ناز کھلاڑی نیمار ہیں۔
حیران کن طور پر بالی ووڈ کے سپر اسٹار اکشے کمار 76 ویں اور ڈبنگ خان سلمان 82 ویں پوزیشن لینے میں کامیاب رہے، جبکہ ہر برس فوربز میگزین کی امیر ترین افراد کی فہرست میں جگہ بنانے والے شارخ خان رواں برس کوئی پوزیشن نہیں کے پائے۔
خبر کے بارے میں اپنی رائے کا اظہار کمنٹس میں کریں‘ مذکورہ معلومات کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں
