راولپنڈی: پاکستان کے خلاف غیر ملکی سازشیں بے نقاب ہوگئیں، امریکی وزیردفاع نے دہشت گردی کے خلاف جنگ میں پاکستان کے کردار کی تعریف کرتے ہوئے کہا کہ بھارت پاکستان میں دہشت گردی کے لیے طالبان کو استعمال کررہا ہے۔
ڈی جی آئی ایس پی آر نے سماجی رابطے کی ویب سائٹ پر ٹوئٹ کیا جس میں آرمی چیف نے کہا کہ پاکستان کے خلاف غیر ملکی سازشیں بے نقاب ہوگئیں، قوم ان سازشوں کو شکست دے کر رہے گی۔
جنرل قمر جاوید باجوہ نے کہا کہ ہر قیمت پر مادرِ وطن کے دفاع کی قسم کھائی ہے، وطن کی خاطر جانیں دے رہے ہیں اور دیتے رہیں گے، جان قربان کرنے والوں کو سلام پیش کرتے ہیں۔
Hostile foreign efforts in destabilising Pak. Exposed & being defeated by a resilient nationhttps://t.co/l6NEk47Iywhttps://t.co/uCiE9HgsIJ pic.twitter.com/QC7KWbsDxy
— Maj Gen Asif Ghafoor (@OfficialDGISPR) September 24, 2017
قبل ازیں امریکی وزیر دفاع جیمزمیٹس نے دہشت گردی کے خلاف جنگ میں پاکستان کے کردار کو سراہتے ہوئے کہا کہ بھارت پاکستان میں دہشت گردی کے لیے طالبان کو استعمال کررہا ہے مگر پاکستان آرمی نے اس نیٹ ورک کو توڑ دیا۔
"We hv taken oath to def our motherland wtvr cost / sacrifices. We hv been, we are & we shall keep doing it. Salute to Martyrs of Pak” COAS. pic.twitter.com/jpop3PJEQ9
— Maj Gen Asif Ghafoor (@OfficialDGISPR) September 24, 2017
بھارتی اخبار میں انکشاف
بھارتی اخبار ہندوستان ٹائمز میں شائع ہونے والی ایک رپورٹ میں انکشاف کیا گیا ہے کہ بھارتی خفیہ ایجنسی را اور ٹی ٹی پی کا آپس میں گٹھ جوڑ ہے جس کے ذریعے شدت پسند پاکستان اور افغانستان میں دہشت گردی کررہے ہیں۔
رپورٹ میں کہا گیا ہےکہ بھارت عالمی دنیا کی مخالفتوں کے باوجود کالعدم دہشت گرد تنظیموں سے اپنے تعلقات ختم نہیں کررہا جو مستقبل میں اُس کے لیے نقصان دہ ہوگا۔ ہندوستان ٹائمز کی رپورٹ میں کہا گیا ہے کہ بھارتی خفیہ ایجنسی را اور کالعدم ٹی ٹی پی کے تعلقات اُس وقت منظر عام پر آئے جب احسان اللہ احسان نے اس بات کا خود انکشاف کیا۔
یاد رہے امریکی صدر نے نئی افغان پالیسی کا اعلان کرتے ہوئے پاکستان پر بے بنیاد الزامات عائد کیے تھے، ٹرمپ نے اپنی تقریر میں کہا تھا کہ پاکستان کی سرزمین پر دہشت گردوں کی محفوظ پناہ گاہیں موجود ہیں مگر آج امریکی وزیردفاع کے بیان نے صدر کی تردید کردی۔
