اسلام آباد: وزیر اعظم عمران خان سے معروف کرکٹرز سر ویوین ریچرڈز اور ڈیویڈ گوور نے ملاقات کی ہے۔
تفصیلات کے مطابق پیر کو ویسٹ انڈیز کے سابق لیجنڈ کھلاڑی ویو رچرڈز اور برطانوی ٹیم کے سابق کپتان ڈیوڈ گوور نے وزیر اعظم پاکستان سے ملاقات کی ہے۔
اس ملاقات میں پاکستان میں کرکٹ کے فروغ بالخصوص کم عمر کھلاڑیوں کے لیے سہولتوں، اور مواقع فراہم کرنے پر گفتگو ہوئی، عمران خان نے کہا کہ پاکستان میں ٹیلنٹ کی کوئی کمی نہیں ہے۔
وزیر اعظم کا کہنا تھا حکومت نوجوان کھلاڑیوں کو بہتر سہولتیں دینے کے لیے اقدامات کر رہی ہے، ہر علاقے میں کھیلوں کے میدان بنانے کی ہدایات جاری کی گئی ہیں، جس سے بچوں اور نوجوانوں کو صحت مند تفریح کے مواقع ملیں گے۔
وزیراعظم عمران خان سے معروف کرکٹرز سر ویوین ریچرڈز اور ڈیویڈ گوور کی اسلام آباد میں ملاقات۔
ملکی کرکٹ کے فروغ بلخصوص کم عمر کھلاڑیوں کے لیئے سہولیات اور مواقع فراہم کرنے پر تبادلہ خیال۔ pic.twitter.com/eR2pDV1TxI
— PTI (@PTIofficial) November 1, 2021
ملاقات کے دوران دونوں کرکٹرز نے ٹی 20 ورلڈ کپ کے حالیہ میچز میں پاکستان ٹیم کی کارکردگی کی تعریف کی۔
اے آر وائی نیوز کی ڈیجیٹل ڈیسک کی جانب سے شائع کی گئی خبریں