سرتاج عزیزکی ایشیا اوریورپ کے وزرائے خارجہ سے ملاقات -
The news is by your side.

Advertisement

سرتاج عزیزکی ایشیا اوریورپ کے وزرائے خارجہ سے ملاقات

اسلام آباد: بارہویں ایشیا یورپ وزرائے خارجہ اجلاس کے موقع پر ہونے والی ذیلی ملاقاتوں کے سلسلے میں وزیراعظم کے مشیرِخصوصی برائے خارجہ امورسرتاج عزیزنے ایشیا اوریورپ کے وزرائے خارجہ سے ملاقات کی ہے۔

تفصیلات کے مطابق ایشیا اور یورپ کے وزرائے خارجہ کی اس ملاقات میں جاپان، ڈنمارک، جرمنی، نیدرلینڈ، گریس اورسنگاپورکے وزرائے خارجہ شریک تھے۔

پاکستانی دفترِخارجہ کی جانب سے جاری کردہ اعلامیے کے مطابق اجلاس میں شریک وزراء نے دہشت گردی کے خلاف جنگ میں پاکستان کی جانب سے پیش کی جانی والی عظیم قربانیوں کو تسلیم کیا۔

اجلاس میں شریک وزرائے خارجہ نے دہشت گردی کے خلاف پاکستان کی جانب سے کی گئی کاوشوں کوسراہتے ہوئے پاکستان کے ساتھ دہشت گردی کے خلاف جنگ، تجارت اورسرمایہ کاری کے میدان میں بھرپور تعاون کی یقین دہانی کرائی ہے۔

ایشیا اور یورپ کے وزرائے خارجہ نے افغانستان میں قیام امن اورطالبان اورافغان حکومت کے درمیان مذاکرات کے لئے پاکستان کے کردار پرزوردیا، اورپاکستان میں زلزلے سے ہونے والی اموات پربھی اظہارِافسوس کیا۔

عالمی وزرائے خارجہ کی سطح پر ہونے والے اس ملاقات میں سرتاج عزیز نے دیگر ممالک کے وزیروں سے دو طرفہ باہمی دلچسپی کے امور پر گفتگو کی اور علاقائی اور عالمی امور پر تبادلہ خیال کیا جن میں خصوصی توجہ افغانستان ، پاک بھارت تعلقات اور مشرقِ وسطیٰ کی صورتحال پر رہی۔

Comments

comments

یہ بھی پڑھیں