غیرملکی میڈیا کیلئے ویزہ عمل آسان کرنے پرغور کررہے ہیں، فواد چوہدری -
The news is by your side.

Advertisement

غیرملکی میڈیا کیلئے ویزہ عمل آسان کرنے پرغور کررہے ہیں، فواد چوہدری

اسلام آباد : وزیراطلاعات فواد چوہدری نے کہا ہے کہ پاکستان میں ذرائع ابلاغ، عدلیہ اور سول سوسائٹی متحرک ہے، کینیڈین فلم سازوں کو شمالی علاقوں میں عکس بندی کی دعوت دیتے ہیں۔

یہ بات انہوں نے کینیڈین ہائی کمشنر سے ملاقات کے موقع پر گفتگو کرتے ہوئے کہی، فواد چوہدری نے کہا کہ غیر ملکی میڈیا کیلئے ویزہ عمل آسان کرنے پرغور کررہے ہیں۔

کرتار پور راہداری پاکستان کی جانب سے امن کے لیے قدم ہے، کرتار پور کے راستے سے آنے والے کینیڈین اور امریکی سکھوں کو تمام سہولیات فراہم کریں گے، پاکستان ایک پرامن اورمحفوظ ملک ہے، کینیڈین فلم سازوں کو شمالی علاقوں کی عکس بندی کی دعوت دیتے ہیں۔

وزیراطلاعات کا کہنا تھا کہ کینیڈا پاکستان کےحوالے سے ٹریول ایڈوائزری نرم کرے، پاکستان اور کینیڈا تاریخی طور پر مضبوط تعلقات میں بندھے ہوئے ہیں، کینیڈا میں موجود پاکستانی کمیونٹی دونوں ممالک کے تعلقات بہتر اور مضبوط بنانے کا اہم ذریعہ ہیں۔

فواد چوہدری نے کہا کہ حکومت آزادی اظہار رائے پر کامل یقین رکھتی ہے، پاکستان میں ذرائع ابلاغ، عدلیہ، سول سوسائٹی متحرک ہے تاہم سوشل میڈیا پر نفرت انگیزمواد روکنے عالمی ریگولیٹری طریقہ کار کی ضرورت ہے، نفرت انگیز مواد کےخلاف ایک آواز بننا ہوگا۔

اس موقع پر کینیڈین ہائی کمشنر نے سکھ برادری کو سہولیات کی فراہمی یقینی بنانے کیلئےتعاون پر اظہار تشکر کرتے ہوئے کہا کہ کینیڈا پاکستان کے ساتھ مختلف شعبوں میں تعلقات کے فروغ کا خواہاں ہے۔

Comments

comments

یہ بھی پڑھیں