The news is by your side.

Advertisement

جرمن وزیر خارجہ ہائیکو ماس کی وفد کے ہمراہ وزارت خارجہ آمد

اسلام آباد : جرمن وزیر خارجہ ہائیکو ماس وفد کے ہمراہ وزارت خارجہ کے دفتر پہنچ گئے، ہائیکو ماس نے کہا کہ پاکستان اور جرمنی میں چند سالوں میں دو طرفہ تعلقات، وسعت پذیر ہوئے۔

وزیر خارجہ شاہ محمود قریشی نے جرمنی کے وزیر خارجہ ہائیکو ماس کی دفتر خارجہ آمد ہر خیر مقدم کیا، اس موقع پر ہائیکو ماس نے وزارت خارجہ کے سبزہ زار میں یادگاری پودا لگایا۔

ملاقات کے دوران دونوں وزرائے خارجہ کے درمیان وفود کی سطح پر مذاکرات ہوں گے، جس میں دو طرفہ تعلقات، تعاون کے فروغ، امن و امان اور افغان صورتحال پر تبادلہ خیال ہوگا۔

وفود کی سطح پر مذاکرات کے بعد وزرائے خارجہ مشترکہ پریس کانفرنس کریں گے۔

واضح رہے کہ جرمن وزیر خارجہ ہائیکو ماس کا رواں سال کے دوران یہ پاکستان کا دوسرا دورہ ہے اور پاکستان اور جرمنی میں اعلیٰ سطح روابط کا فروغ، دو طرفہ تعلقات کے استحکام کا مظہر ہے۔

اس موقع پر ہائیکو ماس نے کہا کہ چند روز مین طالبان اپنی حکومت کا اعلان کریں گے اس کے بعد طالبان کے وعدوں کا آنے والے دنوں میں علم ہوگا۔

جرمن وزیر خارجہ ہائیکو ماس کا کہنا تھا کہ بدترین ماضی کے باعث کافی افغان شہری ہمسایہ ممالک کا رخ کررہے ہیں۔

شاہ محمود قریشی کا اس موقع پر کہنا تھا کہ ہم تیس لاکھ افغان مہاجرین کی صدیوں سے میزبانی کررہے ہیں، اب مسئلہ پیسے کا نہیں بلکہ گنجائش اور صلاحیت کا ہے۔

وزیر خارجہ شاہ محمود قریشی نے کہا کہ ہر ممکن طریقے سے افغانستان کی صورتحال معمول پر لانے میں مدد کررہے ہیں۔

Comments

یہ بھی پڑھیں