The news is by your side.

Advertisement

بیروت دھماکوں میں جانی ومالی نقصان ،حکومت پاکستان اور قوم کی طرف سے لبنان حکومت سے اظہارِتعزیت

اسلام آباد : وزیر خارجہ شاہ محمود قریشی نے بیروت دھماکوں میں جانی ومالی نقصان پر حکومت پاکستان اور قوم کی طرف سے لبنان حکومت سے تعزیت کا اظہار کیا اور کہا پاکستان نے ادویات اور خوراک کاعطیہ روانہ کردیا ہے، جو آج لبنان پہنچ جائے گا۔

تفصیلات کے مطابق وزیر خارجہ شاہ محمود قریشی نے لبنان کے وزیر خارجہ شربیل واہبہ سے ٹیلیفونک رابطہ کیا، جس میں بیروت دھماکوں اور المناک سانحہ کے حوالے سے تفصیلی تبادلہ خیال کیا، شاہ محمودقریشی نے کہا 4اگست کوبیروت دھماکوں میں جانی ومالی نقصان پرہردل گرفتہ ہیں۔

وزیر خارجہ نے سانحے پر حکومت پاکستان اور قوم کی طرف سے لبنان حکومت سے تعزیت کی اور کیا صدر پاکستان اور وزیراعظم نے بھی سانحے پر لبنانی قیادت سے ہمدردی اورتعزیت کا اظہار کیا۔

شاہ محمود قریشی کا کہنا تھا کہ سانحےکےنتیجےمیں شدیدمعاشی نقصان پربھی بہت دکھ اورافسوس ہے، پاکستان مشکل گھڑی میں لبنانی بھائیوں کے ساتھ ہے، پاکستان نےادویات،خوراک کاعطیہ روانہ کردیاہےجوآج لبنان پہنچ جائے گا، سانحےمیں لبنان حکومت اورعوام کاعزم وحوصلہ قابل تحسین ہے۔

دونوں وزرائے خارجہ نے حالات معمول پر آنے کے بعد جلد ملاقات پر اتفاق کیا۔

یاد رہے بیروت کی بندرگاہ پر ہونے والے دھماکوں میں ہلاکتوں کی تعداد 157 ہو گئی ہے جبکہ 5 ہزار سے زائد زخمی مختلف اسپتالوں میں زیر علاج ہیں۔

Comments

یہ بھی پڑھیں