The news is by your side.

Advertisement

بھارت ریاستی دہشت گردی کےذریعےنوجوان کشمیری نسل ختم کرنےکےدرپےہے‘ خواجہ آصف

اسلام آباد : وزیرخارجہ خواجہ آصف نے بھارتی ریاستی دہشت گردی کی مذمت کرتے ہوئے کہا کہ مقبوضہ کشمیر میں درجنوں بیٹے شہید کردیے گئے، وادی کو خون میں نہلا دیا گیا ہے۔

تفصیلات کے مطابق وزیرخارجہ خواجہ آصف نے مقبوضہ کشمیر میں بھارتی مظالم کی مذمت کرتے ہوئے کہا ہے بھارت ریاستی دہشت گردی کے ذریعے نوجوان کشمیری نسل ختم کرنے کے درپے ہے۔

خواجہ آصف نے کہا کہ مقبوضہ کشمیر میں درجنوں بیٹے شہید کردیے گئے، کشمیری لاشیں گن رہے ہیں اور جوان جنازے اٹھا رہے ہیں۔

وزیرخارجہ کا کہنا ہے کہ کشمیریوں کا خون عالمی ضمیر کوجنجھوڑ رہا ہے اور پاکستان اس آزمائش میں کشمیریوں کے ساتھ کھڑا ہے۔

خواجہ آصف کا کہنا تھا کہ مقبوضہ کشمیر کے 2 اضلاع میں 20 کے قریب کشمیریوں کو شہید کیا گیا، بھارتی فوج نے 300 کشمیریوں کو زخمی اور 5 گھروں کو تباہ بھی کیا۔

دوسری جانب وزیرمملکت برائے اطلاعات ونشریات مریم اورنگزیب نے مقبوضہ کشمیرمیں بھارتی بربریت کی مذمت کرتے ہوئے کہا کہ بھارتی قابض افواج مقبوضہ کشمیرکے حریت پسندعوام سے ہار چکی ہے۔

مریم اورنگزیب کا کہنا تھا کہ بھارت کشمیریوں کا خون بہا کرحق خود ارادیت کی تحریک کو دبا نہیں سکتا، کشمیریوں کا بہتا ہوا خون عالمی ضمیر کے لیے ایک چیلنج ہے۔

وزیرمملکت برائے اطلاعات ونشریات کا کہنا ہے کہ پاکستان کشمیریوں کی اخلاقی، سیاسی اورسفارتی حمایت جاری رکھے گا۔

مقبوضہ کشمیرمیں بھارتی فوج کی فائرنگ‘ 20 نوجوان شہید

خیال رہے کہ 24 گھنٹوں کے دوران مقبوضہ کشمیر کے ضلع اسلام آباد اور شوپیاں میں غاضب بھارتی فورسز نے سرچ آپریشن کے دوران 16 کشمیری نوجوانوں جبکہ 4 نوجوانوں کو نماز جنازہ کے دوران فائرنگ کرکے شہید کیا گیا۔

بھارتی فوج کی کارروائیوں میں 300 سے زائد افراد زخمی ہوگئے جن میں سے بیشترکی حالت تشویش ناک بتائی جا رہی ہے جبکہ اس دوران 5 رہائشی مکانات کو بھی تباہ کردیا گیا ہے۔


خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

Comments

comments

یہ بھی پڑھیں