شاہ محمود کی امریکی ہم منصب مائیک پومپیو سے ملاقات: تعلقات از سرِ نو استوار کرنے پر گفتگو -
The news is by your side.

Advertisement

شاہ محمود کی امریکی ہم منصب مائیک پومپیو سے ملاقات: تعلقات از سرِ نو استوار کرنے پر گفتگو

واشنگٹن: وفاقی وزیرِ خارجہ شاہ محمود قریشی نے امریکی ہم منصب مائیک پومپیو سے ملاقات کی، ملاقات میں دو طرفہ تعلقات کو از سرِ نو استوار کرنے کے سلسلے میں گفتگو کی گئی۔

تفصیلات کے مطابق امریکی محکمہ خارجہ میں شاہ محمود قریشی اور ان کے امریکی ہم منصب مائیک پومپیو کے درمیان ہونے والی ملاقات میں خطے کی صورتِ حال پر تفصیلی تبادلہ خیال کیا گیا۔

پاکستان کے قبائلی علاقوں میں ہونے والی ترقی خود دیکھی: امریکی سینیٹر

امریکی وزیرِ خارجہ نے شاہ محمود قریشی کو دورے کی دعوت دی تھی، امریکی وزیرِ خارجہ نے بھی ستمبر کے اوائل میں پاکستان کا دورہ کیا تھا۔

 

قبل ازیں وزیرِ خارجہ شاہ محمود قریشی نے امریکی مشیر برائے قومی سلامتی جان بولٹن اور امریکی سینیٹر کوری بوکر سے بھی علیحدہ علیحدہ ملاقاتیں کیں۔

امریکی سینیٹر لینڈ سے گراہم سے ملاقات

وزیرِ خارجہ شاہ محمود قریشی نے سینیٹر لینڈ سے گراہم سے بھی واشنگٹن میں ملاقات کی، ملاقات میں دو طرفہ تعلقات اور افغان صورتِ حال کے حوالے سے تبادلہ خیال کیا گیا۔

امریکی سینیٹر نے اس موقع پر کہا کہ میں جب پچھلی بار پاکستان دورے پر گیا تھا تو خود قبائلی علاقوں میں ترقی کا مشاہدہ کیا، جلد ایک وفد کے ہم راہ پاکستان کا دورہ کروں گا۔


اے پی ایس اور مستونگ حملوں کے دہشت گردوں کو بھارت کی پشت پناہی حاصل تھی: شاہ محمود قریشی


یاد رہے کہ گزشتہ دنوں وزیرِ خارجہ شاہ محمود قریشی نے اقوامِ متحدہ کی جنرل اسمبلی میں قومی زبان میں‌ خطاب کیا تھا۔ انھوں نے عالمی برادری کو مخاطب کرتے ہوئے متنازع خاکوں کا مسئلہ اٹھایا۔ وزیرِ خارجہ نے امریکی صدر ڈونلڈ ٹرمپ سے بھی ایک مختصر ملاقات کی۔

Comments

comments

یہ بھی پڑھیں