اسلام آباد : وزیرخارجہ شاہ محمود قریشی نے مقبوضہ کشمیر میں یکطرفہ بھارتی غیرقانونی اقدامات کے 2سال مکمل ہونے پر اقوام متحدہ سے مطالبہ کیا ہے کہ کشمیری عوام کی خواہشات کے مطابق جموں و کشمیر کا مسلہ حل کرایاجائے اور سلامتی کونسل بھارت کو دہشت گردی اور تخریب کاری رکوانے پر زور دے۔
تفصیلات کے مطابق وزیرخارجہ شاہ محمود قریشی نے مقبوضہ کشمیر میں یکطرفہ بھارتی غیرقانونی اقدامات کے 2سال مکمل ہونے پر اقوام متحدہ سیکیورٹی کونسل اور سیکرٹری جنرل کو خطوط لکھے۔
خط میں شاہ محمود قریشی نے کہا کہ قبضہ مضبوط بنانےکیلئےبھارت نے5 اگست کوجھوٹ پرمبنی اقدامات کئے، بھارتی اقدامات غیرقانونی سامراجی قبضہ کو مضبوط بنانے کیلئے ہیں، پاکستان تمام یکطرفہ بھارتی اقدامات کو مسترد کرتا ہے۔
خط کے متن میں کہا گیا کہ بھارتی اقدامات عالمی قوانین ،قراردادوں ،چوتھے جنیوا کنونشن کی خلاف ورزی ہے، بھارت نے 9لاکھ سیکیورٹی اہلکار مقبوضہ کشمیر میں تعینات کررکھےہیں، اس کا مقصد کرفیو، لاک ڈاونز، کشمیری سیاسی قیادت کوقیدرکھنا، کشمیری یوتھ کو تحویل میں لینا ،تشدد اور ماورائے عدالت قتل ہے۔
وزیر خارجہ کی جانب سے کہا گہا کہ پیلٹ گنز کا استعمال اور دیہاتوں کا گھیراؤ جلاؤ کردیا جاتا ہے، بھارت پاکستان کیخلاف ریاستی دہشت گردی اور اس کی فنانسنگ کرتا ہے، سلامتی کونسل بھارت کو دہشت گردی اور تخریب کاری رکوانے پر زور دے۔
خط میں کہا ہے کہ کشمیری عوام کی خواہشات کے مطابق جموں و کشمیر کا مسلہ حل کرایاجائے، جنوبی ایشیا میں دیرپا امن کے لئے جموں وکشمیر کا مسئلہ حل ہونا چاہیے، بھارت اس کے لئے نتیجہ خیز تعمیری مذاکرات میں آئے، وزیرخارجہ شاہ محمو
