اسلام آباد: وزیرخارجہ شاہ محمود قریشی نے مقبوضہ کشمیر میں ڈومیسائل کے نئے قانون پر سلامتی کونسل کو خط لکھ کر توجہ دلائی ہے۔
تفصیلات کے مطابق وزیرخارجہ شاہ محمود قریشی نے بھارت کی جانب سے مقبوضہ کشمیر میں ڈومیسائل کے نئے قانون پر سلامتی کونسل کو خط لکھ کر توجہ دلائی ہے۔
وزیر خارجہ کا کہنا ہے کہ حالیہ بھارتی اقدام سے کشمیریوں میں خوف پیدا ہوگیا ہے، بھارتی عمل سے مقبوضہ کشمیر میں آبادی کا تناسب تبدیل ہونے کا خطرہ ہے، بیرون کشمیر سے بڑی تعداد میں لوگوں کی کشمیر میں سکونت کا خدشہ ہے۔
شاہ محمود قریشی نے کہا کہ موجودہ عالمی وبا کے حالات میں بھارتی اقدام قابل افسوس ہے، بھارت عالمی برادری کی کرونا پر توجہ سے فائدہ اٹھانےکی کوشش کر رہا ہے۔
سفارتی ذرائع کے مطابق وزیر خارجہ شاہ محمود قریشی کی جانب سے لکھا گیا خط گزشتہ روز سلامتی کونسل کے سربراہ کے حوالے کیا گیا تھا جس میں کہا گیا تھا کہ مقبوضہ کشمیر کا ڈومیسائل قانون بین الاقوامی قوانین کی خلاف ورزی ہے۔
مقبوضہ کشمیر میں بھارتی کرفیو کو 8 ماہ مکمل، 4 کشمیری شہید
یاد رہے کہ گزشتہ ہفتے مقبوضہ وادی کےضلع کلگام میں بھارتی فورسز کی فائرنگ سے 4 کشمیری شہید ہو گئے تھے۔
اے آر وائی نیوز کی ڈیجیٹل ڈیسک کی جانب سے شائع کی گئی خبریں