ایران کی وزارت خارجہ نے کہا ہے کہ سعودی عرب اور ایران کے وزرائے خارجہ جلد ملاقات کریں گے۔
تہران میں پریس کانفرنس کرتے ہوئے ترجمان وزارت خارجہ ناصر کنعانی نے کہا کہ ایران اور سعودی عرب کے وزارئے خارجہ کی ملاقات میں کوئی رکاوٹ نہیں ہے، دونوں وزارت خارجہ ملاقات کی تیاریاں کر رہی ہیں اور جلد ملاقات کا امکان ہے۔
انہوں نے کہا کہ ملاقات کے حوالے سے رابطہ کاری سفارتی ذرائع سے ہو گی۔
امریکا سے قیدیوں کے تبادلے سے متعلق سوال کے جواب میں ترجمان نے کہا کہ قیدیوں کے تبادلے اور دیگر مسائل سے متعلق امریکا سے بلواسطہ بات چیت پہلی بھی ہوتی رہی ہے اور اب بھی جاری ہے۔
ترجمان کا کہنا تھا کہ امریکا نے اس بات کو قبول کر لیا ہے کہ قیدیوں کے تبادلے کو پابندیوں کے خاتمے سے الگ رکھا جائے اور ایران اس معاملے کو انسانی بنیادوں پر نمٹانے کے لیے پوری طرح آمادہ ہے۔
Comments
- Advertisement -
