The news is by your side.

Advertisement

وزارتِ خارجہ کی ویب سائٹ اپ گریڈ کرنے کا فیصلہ

اسلام آباد: وزارتِ خارجہ نے اپنی ویب سائٹ کو اپ گریڈ کرنے کا فیصلہ کرلیا، ترجمان دفتر خارجہ کے مطابق اس اقدام کے بعد ویب سائٹ کا استعمال مزید آسان ہوجائے گا۔

وزارت خارجہ کے ترجمان کی جانب سے متعلق  بیان جاری کیا گیا جس میں بتایا گیا کہ اپ گریڈیشن کی وجہ سے ویب سائٹ کھلنے میں مشکلات پیش آرہی ہیں۔

ترجمان کے مطابق وزارت خارجہ کی ویب سائٹ اپ گریڈکرنےکافیصلہ کیا گیا تاکہ اس کے استعمال کو مزید آسان بنایا جائے،  اس پر ماہرین تیزی سے کام کررہے ہیں۔

اعلامیے کے مطابق نئی ویب سائٹ کاڈیزائن اورمتعلقہ امورمعروف کمپنی کررہی ہے جس کا وزیر خارجہ یا اُن کے اہل خانہ سے کوئی تعلق نہیں بلکہ یہ کمپنی معروف اور اسپیشلائرڈ ڈیجیٹل ڈیزائن ادارہ ہے۔

ترجمان کے مطابق ویب سائٹ اپ گریڈکرنےمیں کوئی سرکاری پیسہ شامل نہیں ہے بلکہ وزیر خارجہ اپنی جیب سے تمام اخراجات ادا کررہے ہیں اور وہ اس کی صورت میں وزارت کو تحفہ دینا چاہیے ہیں۔

اعلامیے میں مزید کہا گیا ہے کہ ویب سائٹ پر موجود معلومات حساس نہیں بلکہ عوامی ہے، وزارت ضرورت کےمطابق بہتری کے لیے مزید اقدامات کرتی رہےگی۔

Comments

comments

یہ بھی پڑھیں