پاکستان میں دہشتگردی کے لئے بھارت مالی امداد فراہم کررہا ہے،دفترخارجہ -
The news is by your side.

Advertisement

پاکستان میں دہشتگردی کے لئے بھارت مالی امداد فراہم کررہا ہے،دفترخارجہ

اسلام آباد : ترجمان دفترِخارجہ نے کہا کہ پاکستان میں دہشتگردی کے لئے بھارت مالی امداد فراہم کررہا ہے، بھارتی جاسوس کلبھوشن کا بیان بھارت کی پالیسیوں کا عکاس ہے۔

ترجمان دفترخارجہ نفیس زکریا نے میڈیا بریفنگ میں کہا کہ پاکستان دہشتگردی کا سب سے زیادہ شکار ہے، پاکستان اور امریکا دہشت گردی کے خلاف جنگ میں اتحادی ہیں، دنیا نے پاکستان کی انسدادِ دہشتگردی کی کوششوں کو تسلیم کیا ہے۔


مزید پڑھیں : مقبوضہ کشمیر میں بھارتی مظالم کے حوالے سے تمام اقدامات کررہے ہیں، دفتر خارجہ


ترجمان نے کہا کہ پاکستان میں دہشتگردی کے لئے بھارت مالی مدد دیتا ہے، بھارتی جاسوس کلبھوشن کا بیان بھارت کی پالیسی کا عکاس ہے۔

نفیس زکریا نے کہا کہ مقبوضہ کشمیرمیں بھارتی مظالم کو باسٹھ روز ہوگئے ہیں، دس ہزارسے زائد کشمیری زخمی ہیں اور سات سو کی بینائی پیلٹ گن سے متاثرہوئی ہے، پاکستان امریکا اور بھارت کے درمیان مفاہمت کی یاداشت کو دو ممالک کا معاہدہ سمجھتا ہے تاہم اس سے جنوبی ایشیا میں طاقت کا توازن متاثر نہیں ہونا چاہئیے۔


مزید پڑھیں : پاکستان کا اقوام متحدہ سے فیکٹ فائنڈنگ مشن مقبوضہ کشمیر بھیجنے کا مطالبہ


چند روز قبل نفیس زکریا کا کہنا تھا کہ پاکستان نے اقوام متحدہ سے انسانی حقوق کے حوالے سے فیکٹ فائنڈنگ مشن مقبوضہ کشمیربھیجنے کا مطالبہ کیا ہے، وزیراعظم نوازشریف نے اقوام متحدہ کے سیکریٹری جنرل کو ایک اور خط لکھا ہے۔

Comments

comments

یہ بھی پڑھیں