site
stats
پاکستان

پاکستان داعش کے خطرے سے پوری طرح آگاہ ہے، ترجمان دفتر خارجہ

اسلام آباد: ترجمان دفتر خارجہ نے کہا ہے کہ پاکستان داعش کے خطرے سے پوری طرح آگاہ ہے، نیشنل ایکشن پلان کے تحت ملک سے دہشتگردی کے کاتمے میں مصروف ہیں، داعش کو پنپنے کا موقع نہیں دیں گے.

اسلام آباد میں ہفتہ وار بریفنگ دیتے ہوئے ترجمان دفتر خارجہ قاضی خلیل اللہ نے بتایا کہ پیرس حملوں کے بعد داعش کے خلاف عالمی سطح پر کاروائیوں میں تیزی آئی ہے جبکہ پاکستان بھی داعش کے خطرے سے پوری طرح آگاہ ہے، نیشنل ایکشن پلان کے تحت آپریشن ضرب عضب کامیابی سے جاری ہے جبکہ سکیورٹی اور ملٹری ادارے پہلے ہی واضح کر چکے ہیں کہ پاکستان میں داعش کا کوئی وجود ہے نہ اسے ملک میں پنپنے کا موقع دیں گے۔

آرمی چیف کے دورہ امریکہ کے متعلق سوال کے جواب میں قاضی خلیل اللہ نے بتایا کہ آرمی چیف کا دورہ انتہائی اہمیت کا حامل ہے تاہم ملاقات کے دوران امریکن حکام سے کن امور پر بات ہوئی اس سے لا علم ہیں۔

قاضی خلیل اللہ نے پاکستان کی نسبت بھارت کو نیوکلئر ٹیکنالوجی تک رسائی دینے پر تحفطات کا اظہار کرتے ہوئے کہا کہ پاکستان اور بھارت کے درمیان فرق روا رکھا جا رہا ہے، پاکستان ایک ذمہ دار ایٹمی ملک ہے، نیوکلئیر ٹیکنالوجی تک رسائی دی جانی چاہئے۔

بھارت سے مذاکرات کے حوالے سے ترجمان دفتر خارجہ نے بتایا کہ مذاکرات سے متعلق پاکستان کا موقف واضح ہے، بھارت کی جانب سے کسی بھی پیشگی شرائط کے بغیر مذاکرات کے لئے تیار ہیں.

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top