site
stats
پاکستان

بھارت کی جانب سے ایجنیسیوں پرلگائے گئے الزامات بے بنیاد ہیں، دفترخارجہ

اسلام آباد: دفترخارجہ نے بھارت کی جانب سے ایجنیسیوں پرلگائے گئے الزامات کو بے بنیاد قرار دیتے ہوئے ان کی تردید کی ہے۔

دفتر خارجہ کے ترجمان قاضی خلیل اللہ نے کہا ہے کہ افغانستان میں موجود بھارتی سفیر کا پاک بھارت تعلقات پر بات کرنا سفارتی آداب کے خلاف ہے،ایسے رویے کو سفارت کاری میں انتہائی نامناسب سمجھا جاتا ہے۔

اسلام آباد میں ہفتہ وار بریفنگ میں ان کا کہنا تھا کہ ہارٹ آف ایشیا کانفرنس میں چین ،ایران ،افغانستان ،کرغیزستان اور تاجکستان نے شرکت کی تصدیق کی ہے ،اس کانفرنس سے افغانستان میں امن عمل کو موثر بنانے کے لیے علاقائی تعاون اور رابطوں کو فروغ دینے میں مدد ملے گی۔

انہوں نے کہا کہ بھارت کی جانب سے پاکستانی انٹیلی جنس ایجنسیز پرجاسوسی کے الزاما ت بے بنیاد ہیں جن کی سختی سے تردید کرتے ہیں۔ایک سوال کے جواب میں ان کا کہنا تھا کہ 2308 پاکستانی سعودی عرب کی جیلوں میں قید اور2345 بے دخلی کے منتظر ہیں، جن سے ریاض میں موجود پاکستانی سفارتخانہ رابطے میں ہے، پاکستان داعش کو دہشتگرد تنظیم سمجھتا ہے۔پاکستان نے دہشتگردی کو ختم کرنے کے لیے ہمیشہ اہم کر دار ادا کیا ہے ۔

ترجمان دفتر خارجہ کا کہنا تھا کہ بھارتی سیکیورٹی ایڈوائزراجیت ڈوول کی پاکستانی ہائی کمشنر سے ملاقات کے بارے میں علم نہیں ہے، بھارتی وزیر برائےخارجہ امور سشما سوراج کی پاکستان آمد کے بارے میں ان کا کہنا تھا کہ پاکستان کو اس سلسلے میں باضابطہ طور پر آگاہ نہیں کیا گیا.

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top