وزیر خارجہ کا دورہ امریکا منسوخ نہیں ملتوی ہوا ہے، دفتر خارجہ america
The news is by your side.

Advertisement

وزیرخارجہ کا دورہ امریکا منسوخ نہیں ملتوی ہوا ہے، دفترخارجہ

اسلام آباد : ترجمان دفتر خارجہ نفیس زکریا نے کہا ہے کہ وفاقی وزیر خارجہ خواجہ آصف کا دورہ امریکا منسوخ نہیں بلکہ ملتوی کیا گیا ہے، دورہ امریکا ممکنہ طور پر روس اور چین کے دورے کے بعد ہوگا۔

تفصیلات کے مطابق وفاقی وزیر خارجہ محمد آصف کا دورہ امریکا کو منسوخ کرنے کی خبروں کی تردید کرتے ہوئے ترجمان دفتر خارجہ نے کہا کہ دوری امریکا منسوخ نہیں بلکہ ملتوی کیا گیا ہے۔

ترجمان دفتر خارجہ کا کہنا تھا کہ وزیر خارجہ خواجہ آصف پہلے دوست ممالک کا دورہ کریں گے اس سلسلے میں وزیرخارجہ پیر یا منگل کو دورہ چین یا دورہ روس کے لیے روانہ ہوں گے جہاں وہ پاکستان کا موقف پیش کریں گے اور دوست ممالک کو پاکستان کی قربانیوں اور دہشت گردی کے خلاف جنگ میں مثبت کردار سے آگاہ کریں گے۔


 *خواجہ آصف کو امریکا نہ بھیجنے کا فیصلہ 


ترجمان دفتر خارجہ نفیس زکریا نے کہا ہے کہ وزیرخارجہ محمد آصف روس اور چین کے دورے کے بعد امریکا جانے کے امکانات روش ہیں اسی طرح اقوام متحدہ کے سیشن کے موقع پر وزیر خارجہ کا دورہ امریکا بھی کنفرم ہے جہاں اجلاس کے موقع پر2 ممالک کے سربراہان سے ملاقاتیں بھی کریں گے۔

خیال رہے کہ قبل ازیں یہ خبریں گردش کرتی رہی ہیں کہ قومی سلامتی کمیٹی کے اجلاس میں فیصلہ کیا گیا تھا کہ وفاقی وزیر خارجہ محمد آصف کا دورہ امریکا پر نہیں جائیں گے جس سے یہ تاثر ابھرا کہ شاید دورہ امریکا منسوخ کردیا گیا ہے۔


اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

Comments

comments

یہ بھی پڑھیں