site
stats
پاکستان

پاکستانی دفترِخارجہ کی ترکی میں فوجیوں پردہشت گرد حملے کی مذمت

اسلام آباد: پاکستانی دفترِ خارجہ نے ترکی میں ہونے والے دہشت گرد حملے میں ترک فوجیوں کے جاں بحق ہونے کے واقعے کی شدید مذمت کی ہے۔

تفصیلات کے مطابق گزشتہ روز 6 ستمبر 2015 کو ترکی کے صوبہ ہقاری میں دغلیقا کے علاقے میں دہشت گردوں نے ترک مسلح افواج پر حملہ کیا جس میں متعدد فوجی جاں بحق جبکہ کئی زخمی ہوئے ہیں۔

پاکستان نے اس واقعے کی شدید مذمت کرتے ہوئے ہر قسم کی دہشت گردی کے خلاف صف آرا رہنے کے عزم کاارادہ کیا ہے۔

دفتر خارجہ سے جاری کردہ بیان کے مطابق پاکستانی حکومت اور قوم دکھ کی اس گھڑی میں اپنے ترک بھائیوں کے ساتھ ہے جہاں ان دنوں دہشت گردوں کی پرتشدد کاروائیوں میں کئی شہری اور فوجی اپنی جانوں کا نذرانہ پیش کرچکے ہیں۔

بیان میں جاں بحق ہونے والے افراد کے اہلِ خانہ سے ہمدردی کا اظہارکرتے ہوئے امید ظاہر کی ہے کہ ترک قوم جلد ہی اپنی ہمت اور حوصلے سے دہشت گردی کے اس عفریت پرقابو پالے گی۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top