The news is by your side.

Advertisement

وزارت خارجہ کا کرائسز مینجمنٹ یونٹ فعال

اسلام آباد: ترجمان دفتر خارجہ عائشہ فاروقی کا کہنا ہے کہ وزارت خارجہ کے کرائسز مینجمنٹ یونٹ کوفعال کر دیا گیا۔

تفصیلات کے مطابق سماجی رابطے کی ویب سائٹ ٹویٹر پر دفتر خارجہ کی ترجمان عائشہ فاروقی نے اپنے پیغام میں کہا کہ وزارت خارجہ کے کرائسز مینجمنٹ یونٹ کوفعال کر دیا گیا۔

ترجمان دفتر خارجہ کے مطابق کرونا سے متعلق اپ ڈیٹس مشن کے ذریعے پہنچ رہی ہیں، کرائسز مینجمنٹ یونٹ روزانہ کی بنیاد پر رپورٹ تیار کرےگا۔

انہوں نے کہا کہ مشکل وقت میں عوامی آگاہی اور سیفٹی کے لیے میڈیا کا کردار انتہائی اہمیت کا حامل ہے اور اس چیلنج پر صرف اجتماعی کوششوں سے ہی قابو پایا جا سکتا ہے۔

عائشہ فاروقی کا کہنا تھا کہ کرونا وائرس تیزی سے پھیل رہا ہے جبکہ حکومت اور دیگر اسٹیک ہولڈرز شہریوں کے تحفط کے لیے تمام میکنزم اور سسٹم کی مانیٹرنگ کر رہے ہیں۔

انہوں نے کہا کہ دفتر خارجہ نے احتیاطی تدابیر اختیار کرتے ہوئے مختار ناموں کی تصدیق کے سوا تما قونصلر سروسز معطل کرنے کا فیصلہ کیا ہے۔ ترجمان کا کہنا تھا کہ وزارت خارجہ امور نے خصوصی سیکرٹری کی نگرانی میں کرونا وائرس سے متعلق تعاون کی غرض سے کرائسز مینجمنٹ یونٹ بھی قائم کر دیا ہے۔

fb-share-icon0
Tweet 20

Comments

comments

یہ بھی پڑھیں