کلبھوشن نے دہشت گردی میں ملوث ہونے کا اعتراف کیا: دفتر خارجہ -
The news is by your side.

Advertisement

کلبھوشن نے دہشت گردی میں ملوث ہونے کا اعتراف کیا: دفتر خارجہ

اسلام آباد: ترجمان دفتر خارجہ نفیس زکریا نے کہا ہے کہ کلبھوشن نے پاکستان میں دہشت گرد کارروائیوں کا اعتراف کیا ہے۔ پاکستان میں بھارتی مداخلت کے ناقابل تردید ثبوت موجود ہیں۔

تفصیلات کے مطابق ہفتہ وار میڈیا بریفنگ میں ترجمان دفتر خارجہ نفیس زکریا کا کہنا تھا کہ کلبھوشن بھارتی نیوی کا حاضر سروس افسر اور را کا ایجنٹ ہے۔ اسے رنگے ہاتھوں پکڑا گیا۔

ترجمان کا کہنا تھا کہ کلبھوشن نے پاکستان میں دہشت گرد کارروائیوں کا اعتراف کیا ہے۔ بھارتی مداخلت کے ناقابل تردید شواہد اور ثبوت سے عالمی برادری کو آگاہ کیا جا چکا ہے۔ بھارت ماضی میں بھی پاکستان میں مداخلت میں ملوث رہا۔

دفتر خارجہ کے ترجمان نے کہا کہ بھارت مقبوضہ کشمیر میں انتہا پسندی اور ریاستی دہشت گردی میں ملوث ہے۔

مزید پڑھیں: لاپتہ فوجی افسر سے متعلق بھارتی دعویٰ مضحکہ خیز، نفیس زکریا

نیپال میں لاپتہ پاکستانی لیفٹیننٹ کرنل ریٹائرڈ محمد حبیب ظاہر کے معاملے پر ان کا کہنا تھا کہ ریٹائرڈ کرنل کو نوکری کا جھانسہ دے کر پھنسایا گیا۔ ان کی گمشدگی میں غیر ملکی ایجنسیوں کے کردار کو نظر انداز نہیں کیا جا سکتا۔ اس معاملے پرنیپال حکومت سےرابطے میں ہیں۔

Comments

comments

یہ بھی پڑھیں