بھارتی وزیر اعظم کا عمران خان کو مبارک باد کا ٹیلیفون خوش آئند ہے: دفتر خارجہ -
The news is by your side.

Advertisement

بھارتی وزیر اعظم کا عمران خان کو مبارک باد کا ٹیلیفون خوش آئند ہے: دفتر خارجہ

اسلام آباد: ترجمان دفتر خارجہ کا کہنا ہے کہ بھارتی وزیر اعظم نریندر مودی کا عمران خان کو مبارک باد کے لیے ٹیلی فون خوش آئند ہے، امید ہے سارک ممالک کے رابطے بہتر ہوں گے۔

تفصیلات کے مطابق ترجمان دفتر خارجہ ڈاکٹر فیصل نے بریفنگ میں کہا کہ گزشتہ ایک سال میں پاک افغان قیادت رابطوں میں ہے۔ ’افغان مسئلے کا حل سیاسی ہے فوجی نہیں‘۔

انہوں نے کہا کہ بھارتی وزیر اعظم کا عمران خان کو مبارک باد کے لیے ٹیلی فون خوش آئند ہے، امید ہے سارک ممالک کے رابطے بہتر ہوں گے۔

مزید پڑھیں: نریندر مودی کا عمران خان کو فون

ترجمان نے بتایا کہ کوئی غیر ملکی لیڈر عمران خان کی حلف برداری میں شرکت نہیں کرے گا۔

انہوں نے کہا کہ وزیر اعظم کی تقریب حلف برداری سادگی سے ہوگی۔ ’تحریک انصاف نے اس حوالے سے تفصیلی ٹویٹ بھی کی ہے‘۔

ترجمان نے مزید کہا کہ الیکشن کمیشن نے بین الاقوامی آبزرور کو خوش آمدید کہا۔ بین الاقوامی آبزرور سنہ 2008 سے پاکستان میں انتخابات کا جائزہ لے رہے ہیں۔


خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

Comments

comments

یہ بھی پڑھیں