The news is by your side.

Advertisement

کلبھوشن کے اعتراف اور احسان اللہ احسان کے انکشافات نے بھارت کو بے نقاب کردیا، دفتر خارجہ

اسلام آباد : ترجمان دفترخارجہ نفیس زکریا کا کہنا ہے کہ بھارت پاکستان میں دہشتگردی میں ملوث ہے، کلبھوشن کے اعتراف اور احسان اللہ احسان کے انکشافات نے بھارت کو بے نقاب کردیا۔

ترجمان دفترخارجہ نفیس زکریا نے میڈیا بریفنگ میں کہا کہ بھارت پاکستان میں دہشتگردی میں ملوث ہے، معاملہ افغانستان، بھارت اور عالمی فورمز میں اٹھایا جائے گا،  احسان اللہ احسان کے انکشافات اورکلبھوشن یادیوکے اعتراف نے بھارت کوبے نقاب کردیا۔

ترجمان کا کہنا تھا کہ احسان اللہ احسان نے انکشاف کیا کہ جماعت الاحرار کو بھارت اورافغانستان ہرسہولت فراہم کر رہے ہیں، خالد خراسانی کا بھارت میں علاج کیا گیا۔

بریفنگ میں  ترجمان نفیس زکریاء نے کرم ایجنسی میں دہشتگردی کے حملے کی مذمت کرتے ہوئے کہا کہ جماعت الاحرار نے کرم ایجنسی حملے کی ذمے داری قبول کی، احسان اللہ احسان نے پاک فوج کے سامنے سرینڈر کیا، سب جانتے ہیں کہ جماعت الاحرارکہاں موجود ہے۔


مزید پڑھیں : کلبھوشن نے دہشت گردی میں ملوث ہونے کا اعتراف کیا، دفتر خارجہ


نفیس زکریا نے کہا کلبھوشن نے اپنے جرائم کا اعتراف کیا ہے، کبلھوشن یادیو تک سفارتی رسائی کے بارے میں موقف دے چکے ہیں، کلبھوشن اس کیٹگری میں نہیں آتا، جن کوسفارتی رسائی دی جاتی ہے۔

مقبوضہ کشمیر کے حولے سے ترجمان کا کہنا تھا کہ مقبوضہ کشمیرمیں بھارتی مظالم کا سلسلہ جاری ہے، بھارت نے انسانی حقوق کی خلاف ورزیاں چھپانے کیلئے سوشل میڈیا پر پابندی عائد کردی ہے، سید علی گیلانی، یاسین ملک اور آسیہ اندرابی کو حراست میں لے لیا گیا۔

Print Friendly, PDF & Email

Comments

comments

یہ بھی پڑھیں