The news is by your side.

Advertisement

پاکستان مخالف سرگرمیوں کا ذکر ، دفتر خارجہ کا اقوام متحدہ کی رپورٹ کا خیر مقدم

اسلام آباد : پاکستان نے اقوام متحدہ کی رپورٹ میں تحریک طالبان الاحرارجیسی جماعتوں کی پاکستان مخالف سرگرمیوں کے ذکر کا خیر مقدم کرتے ہوئے کہا افغانستان سے ہونے والی مخالف سرگرمیوں پر آوازاٹھاتے رہے ہیں۔

امن مشق پاکستان میں منعقد ہورہی ہے ترجمان دفتر خارجہ زاہد حفیظ چوہدری نے ہفتہ وار بریفنگ دیتے ہوئے کہا امن مشق پاکستان میں منعقد ہو رہی ہے ، مشقوں کا مقصد خطےمیں منشیات اور دہشت گردی کیخلاف کاوشیں ہیں، امن مشق میں 45ممالک شریک ہیں۔

ترجمان دفتر خارجہ نے بتایا کہ وزیراعظم عمران خان نے یواےای سے ٹیلیفون پررابطہ کیا ، دونوں رہنماؤں نے پاکستان اور یواےای تعلقات کی بہتری پراتفاق کیا۔

لاپتہ کوہ پیماؤں کے حوالے سے زاہد حفیظ نے کہا کہ آئس لینڈ اور چلی کے وزرائےخارجہ نے کوہ پیماؤں کیلئےوزیر خارجہ سےرابطہ کیا ، جس میں وزیر خارجہ نے کوہ پیماؤں کی تلاش کیلئے ہرممکن کوشش کایقین دلایا جبکہ انھوں نے معاشی سفارتکاری کے سلسلے میں ورچوئل اجلاس کی صدارت کی۔

اقوام متحدہ کی رپورٹ سے متعلق ترجمان کا کہنا تھا کہ یواین کی 27 ویں رپورٹ میں پاکستان مخالف سرگرمیوں کاذکر ہے، رپورٹ میں تحریک طالبان الاحرار جیسی جماعتوں کی پاکستان مخالف سرگرمیوں کا ذکر ہے ، پاکستان مخالف سرگرمیوں کے افغانستان سےہونے پر آوازاٹھاتا رہا ہے، اقوام متحدہ کی رپورٹ کا خیر مقدم کرتے ہیں۔

دفتر خارجہ کے ترجمان نے مقبوضہ کشمیر کے حوالے سے کہا کہ 18ماہ سےمقبوضہ وادی میں بھارتی فوج کامحاصرہ ہے اور تمام انسانی حقوق سلب ہیں ، وزیر  خارجہ نے ایک بار پھر یواین سیکرٹری جنرل اور صدر سے رابطہ کرکے مقبوضہ کشمیر کی صورتحال سمیت بھارتی ریاستی دہشت گردی اور ایل او سی جارحیت سےآگاہ کیا۔

زاہد حفیظ کا کہنا تھا کہ وزیر خارجہ شاہ محمود قریشی نے اپنے خط میں 7مطالبات رکھے، مطالبات میں کشمیری رہنماؤں کی رہائی اور کالے قوانین کا خاتمہ شامل ہے۔

یوم یکجہتی کشمیر سے متعلق ترجمان نے کہا کہ ہرسال کی طرح اس سال بھی 5فروری کو یوم یکجہتی کشمیرمنایا گیا ، وزیراعظم نے کوٹلی میں ایک بڑے مجمع سے خطاب کیا اور اس عزم کا اعادہ کیا کہ کشمیریوں کے ساتھ کھڑے ہیں ، صدر نے آزاد کشمیر اسمبلی سے خطاب میں کشمیریوں کی حمایت کا عزم دہرایا۔

ان کا مزید کہنا تھا کہ صدر مملکت ، وزیراعظم آزاد کشمیر اور صدر آزادکشمیرنے یکجہتی واک بھی کی جبکہ وزیر خارجہ شاہ محمود قریشی نے وفاقی وزرا کے ہمراہ دفتر خارجہ سے ریلی نکالی۔

Comments

یہ بھی پڑھیں