The news is by your side.

Advertisement

افغان سرحد سے دہشت گردی کے خطرات موجود ہیں، ترجمان دفتر خارجہ

اسلام آباد : دفتر خارجہ کے ترجمان نے کہا کہ افغانستان کراس بارڈر سے دہشت گردی کے خطرات موجود ہیں، ہم مسلسل افغان حکام کے ساتھ معاملہ اٹھاتے ہیں۔

یہ بات وزارت خارجہ کے ترجمان نے گزشتہ روز اپنے بیان میں کہی، ان کا کہنا ہے کہ بلوچستان کی صورتحال کے حوالے سے بھارتی دفتر خارجہ کا بیان بے بنیاد ہے۔

ترجمان کے مطابق بلوچستان میں انسانی حقوق کی خلاف ورزیوں کا بھارتی الزام بے بنیاد ہے، بھارت کشمیر سے توجہ ہٹانے کیلئے بے بنیاد الزام عائد کرتا ہے۔

ترجمان دفتر خارجہ نے بتایا کہ نریندر مودی کے دورہ پاکستان کا کوئی علم نہیں، مسعودخان کے امریکا میں بطور سفیر تعیناتی کا عمل جاری ہے۔

اس قبل بھارتی آرمی چیف کی جانب سے ایک مضحکہ خیز بیان جاری کیا گیا تھا جس میں انہوں نے ایل او سی پر ہونے والی سیز فائر کو بھارت کی فوجی طاقت کا سبب قرار دیا تھا۔

واضح رہے کہ ڈی جی آئی ایس پی آر میجر جنرل بابر افتخار نے بھی کہا ہے کہ بھارتی آرمی چیف کا طاقت کی بنیاد پر سیزفائر کا دعویٰ بےبنیاد ہے۔

مزید پڑھیں : بھارتی آرمی چیف کا سیزفائر دعویٰ بےبنیاد ہے، ڈی جی آئی ایس پی آر

پاک فوج کے شعبہ تعلقات عامہ آئی ایس پی آر کے ڈائریکٹر جنرل میجر جنرل بابر افتخار نے اپنے ردعمل میں کہا کہ پاکستان ایل اوسی کی دونوں جانب کشمیری آبادی کے تحفظ کی بنیاد پر رضامند ہوا تھا۔

Comments

یہ بھی پڑھیں