The news is by your side.

Advertisement

دفترخارجہ نے سرتاج عزیز کے بیان کی وضاحت جاری کردی

اسلام آباد : ترجمان دفتر خارجہ نے مشیر خارجہ سرتاج عزیزکے ان کیمرہ اجلاس میں دئیے گئے بیان کی وضاحت جاری کردی۔

ترجمان کا کہنا ہے کہ مشیر خارجہ نے بریفنگ میں بتایا کہ سعودی عرب کی سالمیت کو خطرہ ہواتوپاکستان بھرپورجواب دے گا۔

سعودی ایران تنازعے پر قومی اسمبلی کی قائمہ کمیٹی برائےخارجہ امور کے ان کیمرہ اجلاس میں مشیر خارجہ نے قائمہ کمیٹی کو حکومتی مؤقف سے آگاہ کیا۔ دفتر خارجہ کے مطابق سرتاج عزیز نےبریفنگ میں بتایا کہ پاکستان سعودی عرب اورایران کے درمیان کشیدگی ختم کرانےمیں کردار اداکررہا ہے۔

سعودی عرب کی سالمیت کو خطرہ ہواتوپاکستان بھرپورجواب دے گا۔ مشیر خارجہ کا کہنا تھا کہ پاکستان سعودی عرب پاکستان کا قریبی دوست ہے۔

پاکستان اور سعودی کا دفاع اور دہشت گردی سمیت مختلف شعبوں تعاون ہے لیکن پاکستان سعودی عرب فوج نہیں بھیجے گا، حالیہ اعلیٰ سطح رابطوں سے دونوں ملکوں کے تعلقات مزید مضبوط ہوئے ہیں۔

سرتاج عزیز کا کہنا تھاکہ دہشت گردوں کیخلاف چونتیس ممالک کےاتحاد پر پاکستان اپنے ابتدائی مؤقف پر قائم ہے۔

انسداد دہشت گردی کیلئے علاقائی اور عالمی تعاون کے خواہاں ہیں اور اتحاد میں تعاون کے لئے فیصلہ مشارتی اجلاسوں میں کیاجائیگا۔

Comments

comments

یہ بھی پڑھیں