جنرل اسمبلی میں پاک بھارت وزرائے خارجہ ملاقات کا فیصلہ نہیں ہوسکا: دفتر خارجہ -
The news is by your side.

Advertisement

جنرل اسمبلی میں پاک بھارت وزرائے خارجہ ملاقات کا فیصلہ نہیں ہوسکا: دفتر خارجہ

اسلام آباد: ترجمان دفتر خارجہ کا کہنا ہے کہ جنرل اسمبلی میں پاک بھارت وزرائے خارجہ ملاقات کا فیصلہ نہ ہوسکا، ملاقات کے لیے دونوں ممالک میں سفارتی سطح پر بات چیت جاری ہے۔

تفصیلات کے مطابق ترجمان دفتر خارجہ ڈاکٹر فیصل نے ہفتہ وار بریفنگ کے دوران بتایا کہ وزیر خارجہ کا افغانستان کا دورہ انتہائی مفید تھا، جلال آباد میں قونصل خانہ کھولنے پر بات جاری ہے۔ امید ہے سیکیورٹی کی فراہمی کے اقدامات جلد ہو جائیں گے جس کے بعد قونصل خانہ کھول دیا جائے گا۔

ترجمان نے کہا کہ وزیر اعظم عمران خان وفد کے ہمراہ سعودی عرب کے دورے پر ہیں، دورے کے اختتام پر تفصیلات سے آگاہ کیا جائے گا، سعودی عرب سے امدادی پیکج سے متعلق علم نہیں، ’وزیر اعظم کی پاک بھارت میچ میں شرکت سے متعلق علم نہیں‘۔

انہوں نے کہا کہ کرتار پور بارڈر سے متعلق ابھی تک بھارت نے کوئی رابطہ نہیں کیا، پاکستان کرتار پور بارڈر سے متعلق کھلا ذہن رکھتا ہے۔

ان کا کہنا تھا کہ چین کے ساتھ ہر موضوع پر ہمیشہ بات کرتے ہیں۔ چینی وزیرخارجہ کے دورے میں مقبوضہ کشمیر پر بھی بات ہوئی، جنرل اسمبلی میں پاک بھارت وزرائے خارجہ ملاقات کا فیصلہ نہ ہوسکا، ملاقات کے لیے دونوں ممالک میں سفارتی سطح پر بات چیت جاری ہے۔

Comments

comments

یہ بھی پڑھیں