The news is by your side.

Advertisement

عالمی برادری مقبوضہ کشمیر میں بھارتی مظالم کا نوٹس لے: دفتر خارجہ

اسلام آباد: دفتر خارجہ کا کہنا ہے کہ جون میں بھارتی فوج نے 33 کشمیریوں کو شہید اور 36 کو زخمی کیا، عالمی برادری مقبوضہ کشمیر میں بھارتی مظالم کا نوٹس لے۔

تفصیلات کے مطابق ترجمان دفتر خارجہ ڈاکٹر فیصل کا کہنا تھا کہ عالمی برادری مقبوضہ کشمیر میں بھارتی مظالم کا نوٹس لے، مقبوضہ کشمیر میں بھارتی مظالم اور انسانی حقوق کی خلاف ورزی جاری ہے۔

ترجمان نے کہا کہ جون میں بھارتی فوج نے 33 کشمیریوں کو شہید اور 36 کو زخمی کیا، گزشتہ ہفتے 14 سال کے فیضان سمیت 3 افراد کو شہید کیا گیا۔

انہوں نے کہا کہ پاکستان نے کشمیر میں ان واقعات کی تحقیقات کا مطالبہ کیا۔ 27 جون کو سفیروں کو مقبوضہ کشمیر سے متعلق بریفنگ دی گئی، غیر ملکی سفیروں سے نگراں وزیر خارجہ نے بھی خطاب کیا۔

ترجمان نے کہا کہ بھارتی قابض افواج نے جون میں 43 کشمیریوں کو شہید کیا۔

ڈاکٹر فیصل کا کہنا تھا کہ بھارت میں 7 سال کی زینب کے دوران علاج انتقال پر افسوس ہے، ہائی کمیشن نے زینب کی نعش کی واپسی کے عمل کو فوری مکمل کیا۔

انہوں نے کہا کہ پاکستان اور بھارت نے قیدیوں کی فہرستوں کا تبادلہ کیا ہے۔

ترجمان نے سابق وزیر اعظم نواز شریف کے حوالے سے کہا کہ ان کی برطانیہ میں سیاسی پناہ سے متعلق معلومات نہیں۔

افغانستان کے بارے میں گفتگو کرتے ہوئے ان کا کہنا تھا کہ پاکستان افغانستان میں قیام امن کا خواہاں ہے اور امن اقدامات کی حمایت کرتا ہے۔ افغانستان میں تمام شراکت دار مذاکرات کی میز پر آئیں۔


خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

Comments

comments

یہ بھی پڑھیں