site
stats
پاکستان

بھارتی یومِ جمہوریہ مقبوضہ کشمیر سانحے کی یاد تازہ کردیتاہے: دفترِخارجہ

اسلام آباد: پاکستانی دفترِخارجہ کا کہنا ہے کہ بھارت کا یومِ جمہوریہ مقبوضہ کشمیر ہونے والے پرامن مظاہرے پربھارت کے ریاستی تشدد کی یاد دلاتا ہے‘ دنیا کی سب سے بڑی جمہوریت کشمیریوں کوحقِ رائے دہی دینے کے لیے تیار نہیں ہے۔

ترجمان دفترخارجہ نفیس زکریا نے کہا ہے کہ مقبوضہ کشمیرمیں بھارت کے مظالم کےخلاف عالمی برادری کوکردارادا کرنا ہوگا‘ ان کا کہنا تھا کہ دنیا کی سب سے بڑی جمہوریت کشمیریوں کوحقِ رائے دہی دینے کے لیے تیار نہیں ہے۔

ہفتہ واربریفنگ میں ترجمان دفترخارجہ نفیس زکریا نے صحافیوں سے گفتگو کرتے ہوئے کہا کہ چھبیس جنوری مقبوضہ کشمیرمیں بڑے سانحے کی یاددلاتا ہے‘ جب بھارتی افواج نے پرامن مظاہرین کے خلاف طاقت کا اندھا دھند استعمال کیا۔

ترجمان نکا کہنا تھا کہ مقبوضہ کشمیرکے سانحات کے ذمہ داروں کوانصاف کے کٹہرے میں نہیں لایا گیا۔ بھارتی مظالم کی خلاف عالمی برادری کو کردار ادا کرنا ہوگا۔

نفیس زکریا نے پریس کانفرنس میں افغانستان کے حوالے سے کہا کہ افغان قیادت کواپنا گھردرست کرنا ہوگا۔افغانستان میں دہشت گرد عناصرموجود ہیں۔نشاندہی کے باوجود کارروائی نہیں کی گئی۔الزام تراشی سے ناکامیاں چھپانے کی کوشش کی جارہی ہے۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top