The news is by your side.

Advertisement

نئےسیکریٹری خارجہ کی تعیناتی کیلئے وزیراعظم کو نام ارسال

اسلام آباد :سیکریٹری خارجہ کی تعیناتی کیلئے وزیراعظم کو 4 امیدواروں کا پروفائل ارسال کردیا گیا، فہرست میں عبدالباسط، ابن عباس، غالب اقبال، تہمینہ جنجوعہ شامل ہیں۔

تفصیلات کے مطابق سابق سیکیریٹری خارجہ اعزاز چوہدری کے تبادلے کے بعد وفاقی حکومت نے نئے سیکریٹری خارجہ کی تعیناتی کیلئے وزیراعظم کو 4 امیدواروں کا پروفائل ارسال کردیا ہے۔

وزیراعظم نواز شریف غیر ملکی دورے سے واپسی کے بعد نئےسیکریٹری خارجہ کی تعیناتی کا فیصلہ کریں گے، جن شخصیات کا نام فہرست میں شامل کیا گیا ہے ان میں عبدالباسط،ابن عباس، غالب اقبال، تہمینہ جنجوعہ شامل ہیں۔

واضح رہے کہ اس وقت عبدالباسط نئی دہلی اورابن عباس لندن میں بطور ہائی کمشنر اپنے فرائض انجام دے رہے ہیں، ذرائع کے مطابق عبدالباسط اپریل 2018، غالب اقبال ستمبر 2018 میں سبکدوش ہوں گے، جبکہ ابن عباس دسمبر 2018 اور تہمینہ جنجوعہ 2019 میں اپنے عہدے سے ریٹائر ہوں گی۔

ذرائع کا کہنا ہے کہ عبدالباسط، ابن عباس، تہمینہ جنجوعہ سیکریٹری خارجہ کیلئے مضبوط امیدوار ہیں۔

Print Friendly, PDF & Email

Comments

comments

یہ بھی پڑھیں