ریاض: مدینہ منورہ کے ایک تجارتی مرکز میں خواتین کو ہراساں کرنے میں ملوث غیرملکی کو حراست میں لے لیا گیا۔
عرب میڈیا کے مطابق مدینہ منورہ گورنری کی طرف سے جاری بیان میں کہا گیا ہے کہ ایک تجارتی مرکز میں خواتین کو ہراساں کرنے میں ملوث غیر ملکی کو گرفتار کرلیا گیا ہے۔
پولیس کا کہنا ہے کہ گرفتار ملزم کی نشاندہی کے بعد مدینہ منورہ میں ایک مکان پر چھاپہ مار کر ملزم کو حراست میں لیا گیا ہے جس کے بعد اسے تفتیش کے لیے متعلقہ حکام کے حوالے کردیا گیا۔
#دوريات_الأمن بـ #المدينة_المنورة ، تقبض على الوافد الذي قام بالتحرش بالبائعات في احد المجمعات التجارية ، وجاري #الآن تسليمه للجهات المختصة . pic.twitter.com/y7IjpwsatZ
— إمارة المدينة المنورة (@imarat_almadina) September 8, 2018
سعودی عرب کی وزارت برائے سماجی بہبود کی مدینہ منورہ برانچ کے ڈائریکٹر تعلقات عامہ احمد السنائی نے کہا ہے کہ حال ہی میں سوشل میڈیا پر ایک فوٹیج وائرل ہوئی تھی جس میں ایک شخص شاپنگ سینٹر میں خواتین کو ہراساں کررہا تھا۔
قبل ازیں سعودی عرب کے پراسیکیوٹر جنرل الشیخ سعود بن عبداللہ المعجب نے خواتین کو ہراساں کرنے والے شخص کو فوری طور پر گرفتار کرنے کا حکم دیا تھا۔
