The news is by your side.

Advertisement

جدہ میں غیرملکیوں نے ہنگامہ برپا کردیا، متعدد گرفتار

ریاض : سعودی پولیس نے ساحلی شہر جدہ کے بازار میں مارپیٹ کرنے پر چھ غیر ملکیوں کو حراست میں لےلیا۔

غیر ملکی خبر رساں ادارے کی رپورٹ کے مطابق خلیجی ریاست سعودی عرب ملازمت کے لحاظ سے غیر ملکیوں کےلیے بہترین مقام ہے جہاں قانون کی خلاف ورزی کی صورت میں فوری گرفتاری عمل میں آتی ہے۔

ایسا ہی ایک واقعہ ساحلی شہر جدہ میں پیش آیا جہاں عوامی بازار میں کچھ غیرملکیوں کی جھگڑے کی ویڈیو سوشل میڈیا پر وائرل ہوئی تھی۔

پولیس نے مارپیٹ کرنے والے غیرملکیوں کو ویڈیو کی مدد سے شناخت کرکے گرفتار کرلیا، جس میں تین غیر ملکی قانونی طور پر ریاست میں مقیم تھے جبکہ تین اقامہ قانون کی خلاف ورزی کرتے پائے گئے۔

مکہ ریجن پولیس کا کہنا ہے کہ گرفتار تمام غیر ملکیوں کا تعلق پاکستان سے ہے، جن پر آپس میں جھگڑا اور مارپیٹ کرنے کا مقدمہ درج کرکے پراسیکیوشن کے حوالے کردیا گیا ہے۔

Comments

یہ بھی پڑھیں