The news is by your side.

Advertisement

جگر اور گردے کی پیوندی کاری کیلئے بیرون ممالک سے مریض پاکستان کا رخ کرنے لگے

لاہور : بھارت، سوڈان اور افغانستان سے آئے مریضوں کی لاہور کے اسپتالوں میں جگر اور گردوں کی کامیاب پیوندی کاری کردی گئی،مریض پیوندکاری کے لیے ڈونر ساتھ لائے تھے۔

تفصیلات کے مطابق جگر،گردے کی پیوندی کاری کیلئےبیرون ممالک سےمریض پاکستان کارخ کرنےلگے ،بھارت، سوڈان اور افغانستان کے3مریضوں کی لاہورکے اسپتالوں میں جگر ،گردوں کی کامیاب پیوندی کاری کی گئی۔

پیوندکاری کی منظوری پنجاب ہیومین آرگن ٹرانسپلانٹ اتھارٹی نے دی تھی ، مریض پیوندکاری کے لیے ڈونر ساتھ لائے تھے۔

یاد رہے ماضی میں پاکستان سے مریض گردوں اور جگر کی پیوند کاری کے لئے ہندوستان جاتے تھے ، جس کی وجہ سے لاکھوں روپے کی آمدنی ملک سے باہر جاتی تھی۔

اس ماہ کے آغاز میں راولپنڈی کے بے نظیر بھٹو اسپتال میں پہلا کڈنی ٹرانسپلانٹ کامیابی سے مکمل کیا تھا ، ماہر ڈاکٹرز نے 4 گھنٹے تک آپریشن کر کے مریض کی جان بچائی۔

خیال رہے کہ ماہرین نے خدشہ ظاہر کیا ہے کہ کرونا وائرس سے صحت یاب لاکھوں افراد گردوں کے امراض میں مبتلا ہو سکتے ہیں۔

ماہرین کا کہنا ہے کہ کرونا وائرس کے نتیجے میں لاکھوں افراد کو ممکنہ طور پر گردوں کے ڈائیلاسز یا پیوند کاری کی ضرورت جیسے مسائل کا سامنا کرنا پڑ سکتا ہے

Comments

یہ بھی پڑھیں