The news is by your side.

Advertisement

ابو ظبی میں غیر ملکی 48 قسم کے کاروبار کر سکیں گے

ابوظبی : اماراتی ریاست نے غیر ملکیوں کو 48 قسم کے کاروبار کرنے کےلیے لائسنس جاری کرنے کا اعلان کردیا۔

غیر ملکی خبر رساں ادارے کی رپورٹ کے مطابق متحدہ عرب امارات کی ریاست ابوظبی کی حکومت نے لیبر مارکیٹ کو لچکدار بنانے اور کمپنیوں کی پوزیشن مزید مضبوط کرنے کےلیے غیر ملکیوں کو آزاد پیشوں کے لائسنس جاری کرے گا۔

حکام کا کہنا ہے کہ جن شعبوں میں غیر ملکی کارکنان کو لائسنس جاری کیے جائیں گے ان میں کمپوٹر پروگراموں میں کنسلٹینسی، غیر منقولہ جائیداد کے کاروبار، قانونی مشاورت، تعلقات عامہ، سیاحت اور فنون جمیلہ شامل ہیں۔

ریاست ابوظبی کے حکام کا کہنا ہے کہ مذکورہ شعبوں میں لائسنس جاری کرنے سے غیر ملکی کارکنان اپنے رہائشی مراکز یا ایسے مقام سے جس کی اجازت دی گئی ہو اپنا کاروبار کرسکتے ہیں۔

متحدہ عرب امارات نے ویزا پالیسی میں نرمی کی ہے۔ اب سرمایہ کاروں، طلبہ اور پروفیشنل افراد کو زیادہ طویل مدت تک امارات آنے اور قیام کرنے کی اجازت ہوگی۔

Comments

یہ بھی پڑھیں