The news is by your side.

ارشد شریف پر تشدد ، فرانزک ایکسپرٹ کا اہم بیان سامنے آگیا

اسلام آباد : فرانزک ایکسپرٹ ڈاکٹرمحمدنصیر کا کہنا ہے کہ پوسٹ مارٹم میں پتہ چل سکتا ہے کہ تشدد ہوا ہے یا نہیں۔

تفصیلات کے مطابق اے آر وائی نیوز کے پروگرام آف دی ریکارڈ میں فرانزک ایکسپرٹ ڈاکٹر محمد نصیر نے ارشد شریف پر تشدد کے حوالے سے گفتگو کرتے ہوئے کہا پوسٹ مارٹم میں پتہ چل سکتا ہے تشدد ہوا ہے یا نہیں۔

ڈاکٹرمحمد نصیر کا کہنا تھا کہ 3 گھنٹے تک کسی پر تشدد ہوا ہے تو پوری باڈی کو بلیک ہونا چاہیے، اندازے کے مطابق بتا سکتے ہیں کہ کتنی دیر تشدد ہوا ہے۔

فرانزک ایکسپرٹ نے کہا کہ جسم پر پڑنے والے نشانات سے تشدد کا اندازہ لگایا جاتا ہے حتمی نہیں ہوتا، اگر ڈیڈ باڈی 3 دن پرانی ہو تو تشدد کا صحیح اندازہ اورمشکل ہوجاتا ہے۔

ان کا کہنا تھا کہ پوسٹ مارٹم میں گولی کتنے فاصلے سے لگی ہے یہ بھی پتہ چلایا جاسکتا ہے، گولی قریب سے لگی یا دور سے یہ بتایا جا سکتا ہے کتنی فٹ کا فاصلہ تھا یہ تعین نہیں کیا جاسکتا۔

ڈاکٹرمحمد نصیر نے بتایا کہ گولی ایک سے 2 فٹ قریب سے لگی ہو تو پوسٹ مارٹم میں پتہ لگ جاتا ہے اور گولی قریب سےلگی ہو تو جسم کا اوپری حصہ جھلس جاتا ہے۔

Comments

یہ بھی پڑھیں