The news is by your side.

Advertisement

افغان ناظم الامورکی دفترخارجہ طلبی، چارسدہ سانحے پراحتجاج

اسلام آباد : پاکستان نے افغان سفارت کار کودفترخارجہ میں طلب کرکے چارسدہ میں ہونے والے دہشت گردی کے واقعے پرسخت احتجاج کیا، باچاخان یونیورسٹی دہشت گردی میں افغان سرزمین استعمال ہوئی۔

تفصیلات کے مطابق اسلام آباد میں افغان ناظم الامورعبدالناصر یوسفی کودفترخارجہ طلب کرکے سخت احتجاج کیا گیا، افغان ناظم الامور پر واضح کیا گیا کہ تحقیقات کے مطابق دہشت گردوں اور ان کے معاونت کار کو افغانستان سے آپریٹ کیا جارہا تھا۔

حملے کی منصوبہ بندی اور عملدر آمد میں افغان موبائل سمز استعما ل کی گئیں اور اس حوالے سے معلومات پہلے ہی افغان حکام کو فراہم کی جاچکی ہیں۔

دفتر خارجہ کا کہنا ہے افغان حکومت سے حملے میں ملوث افراد کے خلاف کارروائی اور مجرموں کو انصاف کے کٹہرے میں لانے کے لئے تعاون کامطالبہ کیا گیا ہے۔

واضح رہے کہ 20 جنوری کو چارسدہ کی باچا خان یونیورسٹی پر 4 دہشت گردوں نے حملہ کر کے طالب علموں سمیت 20 افراد کو شہید کردیا تھا۔

Comments

comments

یہ بھی پڑھیں