The news is by your side.

Advertisement

بھارت جنگی ماحول پیدا کرنے سے باز رہے ، ترجمان دفترخارجہ

اسلام آباد : پاکستان نے بھارت کو خبردار کیا ہے کہ وہ جنگی ماحول پیدا کرنے سے باز رہے بصورت دیگر کسی  بھی جارحیت کا بھرپور جواب دیا جائے گا۔

تفصیلات کے مطابق دفتر خارجہ کے ترجمان نے کہا ہے کہ بھارت جنگی ماحول پیدا کرنے سے باز رہے، پاکستان بھارت کے ساتھ امن چاہتا ہے۔

دفتر خارجہ کی جانب سے جاری بیان میں ترجمان کا مزید کہنا ہے کہ بھارت کی جانب سے مسلسل دھمکیوں کی ززبان میں بات کی جارہی ہے ،یہ سلسلہ بند فوری طور پر بند کیا جائے۔

ترجمان نے واضح کیا کہ اگر بھارت نے کوئی احمقانہ حرکت کی تو اس کا بھرپور جواب دیا جائے گا۔یاد رہے کہ بھارت میں متیعن پاکستانی سفارتکاروں کو ہراساں کرنے کا سلسلہ جاری ہے۔

بھارت میں پاکستانی سفارتکاروں کوہراساں کرنے کا سلسلہ نہ رک سکا، نئی دہلی میں بھارتی ایجنسی کے اہلکاروں نے سینئر پاکستانی سفارتکار کی گاڑی بیچ سڑک پر روک لی تھی، انہوں نے گاڑی کو ڈھائی گھنٹے تک روکے رکھا۔

مزید پڑھیں: بھارت میں 7 مارچ سے ہمیں ہراساں کیا جارہا ہے، پاکستانی ہائی کمشنر

علاوہ ازیں پاکستان نے بھارت میں سفارتی عملے کو ہراساں کیے جانے کا معاملہ اقوام متحدہ میں اٹھانے کا فیصلہ کیا ہے، اس سلسلے میں باقاعدہ شکایت درج کروائی جائے گی، یہ معاملہ اقوام متحدہ میں مستقل پاکستانی مندوب ملیحہ لودھی اٹھائیں گی۔


خبر کے بارے میں اپنی رائے کا اظہار کمنٹس میں کریں‘ مذکورہ معلومات کو زیادہ سے زیادہ لوگوں تک پہچانے کے لیے سوشل میڈیا پر شیئر کریں۔

Print Friendly, PDF & Email

Comments

comments

یہ بھی پڑھیں