میلبرن: سابق آسٹریلوی کرکٹ بریڈ ہوگ نے پاکستان سپر لیگ کو انڈین پریمیئر لیگ کے مقابلے میں زیادہ پُر اثر قرار دے دیا۔
پی ایس ایل نے کامیابی کے جھنڈے گاڑ دیے، کامیاب عالمی لیگز کے افق پر پی ایس ایل چمکتا ستارہ بن گئی، دنیا بھر سے پاکستان سپرلیگ کو آئی پی ایل اور بگ بیش کی طرح بھرپور پذیرائی مل رہی ہے۔
سابق آسٹریلوی کرکٹ بریڈ ہوگ نے پی ایس ایل کا آئی پی ایل سے موازنہ کرتے ہوئے کہا ہے کہ پاکستان سپرلیگ نے زیادہ اثرات ڈالے ہیں۔
سماجی رابطے کی ویب سائٹ ٹوئٹر پر انہوں نے دونوں لیگز کو 10 میں سے 9 نمبر دیتے ہوئے کہا کہ پاکستان سپر لیگ اس لیے زیادہ پرُ اثر ہے کیونکہ پی ایس ایل سے پاکستان میں کرکٹ کی واپسی ہوئی ہے۔
Both 9 out of 10. The PSL has been the most prevalent of late because it has bought the game back to Pakistan. The IPL has the most interest in viewership worldwide. https://t.co/7jf5ulmCzQ
— Brad Hogg (@Brad_Hogg) March 15, 2020
آسٹریلوی کرکٹر نے کہا کہ انڈین پریمیئر لیگ کو دنیا بھر میں دیکھنے والوں کی تعداد زیادہ ہے اور اسے دلچسپی کے ساتھ دیکھا جاتا ہے۔
واضح رہے کہ پاکستان سپرلیگ سیزن فائیو کامیابی سے تمام مراحل طے کرتے ہوئے اختتام کی جانب گامزن ہے، ایونٹ کے دونوں سیمی فائنلز کل کھیلے جائیں گے اور فائنل 18 مارچ کو لاہور میں ہوگا۔
