The news is by your side.

Advertisement

سابق برطانوی رکن پارلمینٹ کا پاکستان میں فوری انتخابات کا مطالبہ

مانچسٹر : برطانوی پارلیمنٹ کے سابق رکن جارج گیلوے کا کہنا ہے کہ انتخابات ہی پاکستان کو موجودہ بحران سے نکال سکتے ہیں۔

اے آر وائی نیوز سے خصوصی گفتگو کرتے ہوئے سابق رکن برطانوی پارلیمنٹ جارج گیلوے نے کہا کہ پاکستان قوم غلام نہیں کہ کوئی بھی طاقت وہاں مداخلت شروع کردے۔

جارج گیلوے نے کہا کہ اگر وزیراعظم کو بھکاری بننا ہے تو بنے مگر پاکستانی قوم بھکاری نہیں، میں پاکستان میں جمہوریت کی تباہی پر خاموش نہیں بیٹھوں گا۔

انہوں نے کہا کہ ہم یہاں مطالبہ کرنے آئے ہیں کہ پاکستان میں انتخابات کروائے جائیں، انتخابات ہی پاکستان کوموجودہ بحران سے نکال سکتے ہیں، وفاقی کابینہ میں سے24ممبران مختلف مقدموں میں ضمانت پر ہیں۔

سابق برطانوی رکن پارلمینٹ کا کہنا تھا کہ دنیا میں کون سا ایسا ملک ہوگا جہاں 24کابینہ کے24 وزراء ضمانتوں پر وزارتیں لے کر بیٹھے ہوئے ہوں۔

جارج گیلوے نے مزید کہا کہ کوئی بھی عزت دار آدمی ایسی رجیم چینج کو سپورٹ نہیں کرے گا، میں امریکی رجیم چینج کی مخالفت کرتا ہوں۔

یاد رہے کہ گزشتہ روز جارج گیلوے نے عمران خان کی حمایت میں ہونے والے مظاہرے میں بھی شرکت کی تھی۔

Comments

یہ بھی پڑھیں