کراچی: سابق وزیر اعلیٰ بلوچستان نواب ثنا اللہ زہری کی 22 سالہ صاحبزادی کورونا کے باعث انتقال کرگئیں۔
اے آر وائی نیوز کی رپورٹ کے مطابق سابق وزیراعلیٰ بلوچستان نواب ثنا اللہ زہری کی 22 سالہ صاحبزادی عائشہ زہری گزشتہ روز کورونا وائرس سے انتقال کرگئیں۔
ذرائع کے مطابق عائشہ زہری کورونا میں مبتلا تھیں انہیں گزشتہ دنوں کراچی کے نجی اسپتال میں داخل کیا گیا تھا۔
سابق وزیراعلیٰ بلوچستان ثنا اللہ زہری کی صاحبزادی کی تدفین کراچی میں کی جائے گی۔
واضح رہے کہ بلوچستان میں گزشتہ 24 گھنٹوں کے دوران کورونا کے 36 نئے کیسز رپورٹ ہوئے اور مزید دو مریض انتقال کرگئے جس کے بعد کورونا سے اموات کی تعداد 163 ہوگئی ہے۔
مزید پڑھیں: پاکستان میں کورونا وائرس خطرناک حد تک پھیلنے لگا، ایک دن میں 48 اموات
خیال رہے کہ پاکستان میں کرونا مزید 48 افراد کی جان لے گیا، جس کے بعد اموات کی تعداد 7 ہزار 744 ہوگئی جبکہ 3 ہزار کے قریب نئے کیسز رپورٹ ہوئے۔
ملک میں24 گھنٹے کے دوران 2 ہزار 954 کورونا کیسز رپورٹ ہوئے، جس کے بعد پاکستان میں کرونا کے ایکٹیو کیسز کی تعداد 40 ہزار 379 ہوگئی۔
