انتخابی مہم کے دوران نامناسب بیان پر پرویز خٹک نے معافی مانگ لی: Parviaz khatak
The news is by your side.

Advertisement

انتخابی مہم کے دوران نامناسب بیان پر پرویز خٹک نے معافی مانگ لی

پشاور: سابق وزیر اعلیٰ خیبرپختونخواہ اور پاکستان تحریک انصاف کے مرکزی رہنما پرویز خٹک نے انتخابی مہم کے دوران نامناسب بیان پر قوم سے معافی مانگ لی۔

تفصیلات کے مطابق رہنما پی ٹی آئی پرویز خٹک کا کہنا ہے کہ انتخابی مہم میں جو بیان دیا اس پر عدالت میں معذرت کرچکا ہوں، بیان سے کسی کے جذبات مجروح ہوئے تو معذرت خواہ ہوں۔

ان کا کہنا تھا کہ میرے بیان کا مقصد کسی کی دل آزاری نہیں معاشرتی خرابی کی نشاندہی تھا، میرے الفاظ سے کسی کے جذبات مجروح ہوئے تو میں اس پر معذرت کرتا ہوں۔

ان کا مزید کہنا تھا کہ الیکشن میں ووٹ کی خریدوفروخت معاشرتی خرابیوں کا حصہ ہے، ایسا نہیں ہونا چاہیے، ہمارا مقصد قوم کی خدمت کرنا ہے۔


عمران خان جو فیصلہ کریں گے، اسے تسلیم کروں گا: پرویز خٹک


خیال رہے کہ انتخابات سے قبل پرویز خٹک کے بیان کی ایک ویڈیو کلپ سوشل میڈیا پر وائرل ہوئی تھی جس میں انہوں نے انتخابی جلسے سے خطاب کرتے ہوئے پشتو زبان میں پاکستان پیپلز پارٹی کو نامناسب انداز میں تنقید کا نشانہ بنایا تھا۔

یاد رہے کہ پرویز خٹک کے اس بیان پر صحافیوں، عام عوام اور دیگر شعبہ ہائے زندگی سے تعلق رکھنے والے افراد نے ناراضگی کا اظہار کیا تھا جس پر انہوں نے معافی مانگ لی۔

واضح رہے کہ الیکشن کمیشن نے پرویز خٹک کی جانب سے انتخابی مہم کے دوران ناشائستہ زبان استعمال کرنے پر از خود نوٹس بھی لیا تھا۔

Comments

comments

یہ بھی پڑھیں