سابق ٹیسٹ کرکٹر باسط علی نے پیشگوئی کی ہے کہ پاکستان کا اگلا ٹی 20 کپتان بی بابر اعظم ہی ہوگا۔
یوٹیوب چینل پر گفتگو کرتے ہوئے سابق کرکٹر باسط علی نے دعویٰ کیا کہ ون ڈے ورلڈ کپ میں بھی شاید آپ کو بابر اعظم ہی کپتان نظر آئیں گے۔
انہوں نے کہا کہ مائیک ہیسن کے عہدے کی مدت آئندہ سال ختم ہوجائے گی، کیا عہدے کی مدت بڑھے گی یا نہیں لیکن مائیک کی سوچ بابر اعظم کی حمایت میں نہیں ہے۔
باسط علی نے کہا کہ اب مزہ آئے گا جو بابر اعظم کی قیادت قبول کی ہے، یہ وہ چیز ہے جو لوگ بولتے نہیں ہیں لیکن ہمیں جو سمجھ آتا ہے کہہ دیتے ہیں۔
🚨 سابق کرکٹر باسط علی کی بڑی پیشگوئی!!
بابر اعظم پاکستان کے اگلے ٹی ٹوئنٹی کپتان ہونگے، وہ اگلے ونڈے ورلڈ کپ میں بھی پاکستان کے کپتان ہو سکتے ہیں، بابر اعظم نے ایسے ہی کپتانی قبول نہیں کی۔۔ #PakistanCricket #BabarAzam pic.twitter.com/ca5RcfxfLF
— Tehseen Qasim (@Tehseenqasim) July 7, 2026
سابق کرکٹر نے کہا کہ دیکھتے ہیں کہ ویسٹ انڈیز کے خلاف ٹیسٹ سیریز میں بابر کی کارکردگی کیسی ہوتی ہے، اس کی فارم تو اچھی ہے، پی ایس ایل میں اچھا کھیلا، بنگلادیش کے خلاف ٹیسٹ میں بھی عمدہ کارکردگی کا مظاہرہ کیا۔
انہوں نے کہا کہ آنے والے دن بابر کے بطور کپتان کے ہیں، مائیک ہیسن جو باتیں کررہا تھا کہ بابر اس طرح نہیں کھیل رہا جس طرح ہمیں پلیئر چاہئیں، اس وقت کوئی بھی ایسا کھلاڑی نہیں ہے جیسا ہیڈ کوچ کو چاہیے۔
