پی ٹی آئی رہنما قاسم سوری نے الزام عائد کیا ہے کہ ن لیگ پنجاب کے ضمنی الیکشن میں پی ٹی آئی امیدواروں کو بلیک میل کر رہی ہے۔
پاکستان تحریک انصاف کے رہنما اور سابق ڈپٹی اسپیکر قومی اسمبلی قاسم سوری نے سماجی رابطوں کی ویب سائٹ ٹوئٹر پر اپنے ٹوئٹ میں موجودہ حکومت پر کڑی تنقید کی ہے۔
قاسم خان سوری نے اپنے ٹوئٹ میں لکھا ہے کہ آج کل امپورٹڈ حکومت اپنے چند آخری کارڈز استعمال کر رہی ہے، ن لیگ کی جانب سے پی ٹی آئی امیدواروں کو بلیک میل کیا جارہا ہے۔
پی ٹی آئی رہنما کا اپنے ٹوئٹ میں مزید کہنا تھا کہ ان دنوں ن لیگ کا ڈیپ فیک ویڈیوز بنانے اور بلیک میلنگ کا دھندہ اپنےعروج پر ہے۔
آج کل امپورٹڈ حکومت اپنے چند آخری کارڈز استعمال کر رہی ہے، ضمنی انتخابات کے لیے پی ٹی آئی امیدواروں اور پی ٹی آئی کے تمام رہنما جو عمران خان کے ساتھ مضبوط کھڑے ہیں ان سب کو بلیک میل کرنا، ن لیگ کا ڈیپ فیک ویڈیوز بنانے اور بلیک میلنگ کا دھندہ اپنے عروج پر ہے۔ #Blackmail_NaManzoor pic.twitter.com/WNIPk5Vaq5
— Qasim Khan Suri (@QasimKhanSuri) June 25, 2022
