لندن: انگلینڈ کرکٹ ٹیم کے سابق کپتان باب ولس 70 سال کی عمر میں انتقال کرگئے۔
تفصیلات کے مطابق انگلینڈ کرکٹ ٹیم کے سابق کپتان اور 1981 ایشز کے ہیرو باب ولس 70 برس کی عمر میں چل بسے، انگلش کرکٹ بورڈ نے ان کے انتقال پر افسوس کا اظہار کیا ہے۔
فاسٹ بولر باب ولس نے 90 ٹیسٹ اور 64 ون ڈے میچز میں انگلینڈ کی نمائندگی کی، باب ولس نے 1971 میں ڈیبیو کیا اور 1984 میں کرکٹ سے ریٹائر ہوئے۔
سابق انگلش کپتان نے اپنے ٹیسٹ کیریئر میں 325 وکٹیں حاصل کیں، باب ولس نے فرسٹ کلاس کرکٹ میں 899 کھلاڑیوں کو پویلین کی راہ دکھائی۔
Cricket has lost a dear friend.
— England and Wales Cricket Board (@ECB_cricket) December 4, 2019
رپورٹ کے مطابق باب ولس ریٹائرمنٹ کے بعد کرکٹ ایکسپرٹ اور براڈ کاسٹر کی حیثیت سے خدمات انجام دیتے رہے۔
انگلینڈ کی جانب سے وکٹ لینے والوں کی آل ٹائم کھلاڑیوں کی فہرست میں جمی اینڈرسن، اسٹیورٹ براڈ اور آئن بوتھم کے بعد باب ولس کا چوتھا نمبر ہے۔
باب ولس نے 1981 میں کھیلی جانے والی ایشز سیریز میں آسٹریلیا کے خلاف 43 رنز دے کر 8 وکٹیں حاصل کی تھیں۔
انگلینڈ کرکٹ بورڈ نے گزشتہ سال ٹیسٹ ٹیم کے بہترین گیارہ کھلاڑیوں میں باب ولس کو شامل کیا تھا۔
