The news is by your side.

Advertisement

سابق ادوارمیں‌ ترقی کے نام پرجنوبی پنجاب کے ساتھ دھوکا دیا گیا، عثمان بزدار

ڈی جی خان : وزیر اعلیٰ پنجاب عثمان بزدار کا کہنا ہے  کہ ہماری حکومت عمل پر یقین رکھتی ہے، سابق دور میں خوشحالی اور ترقی کے نام پر دھوکا دیا گیا۔

تفصیلات کے مطابق وزیر اعلیٰ پنجاب تونسہ شریف میں عوام سے گفتگو کررہے  تھے ، اس موقع پر انہوں نے اپنے خیالات کا اظہار کرتےہوئے کہا کہ میں آپ سے ہوں اور میرا تعلق آپ سے ہمشہ رہے گا۔

وزیر اعلیٰ پنجاب سردار عثمان بزدار نے معذور بیٹی کو لانے والے شہری کا مسئلہ فوری حل کرنے کا حکم دیتے ہوئے بچی کو مصنوعی ٹانگ لگانے کےلیے اقدامات کرنے کی ہدایت جاری کی۔

وزیر اعلیٰ پنجاب نے شہریوں سے اردو، سرائیکی اور بلوچی زبان میں گفتگو کرتے ہوئے کہا کہ آپ کے مسائل میرے مسائل ہیں، ہر صورت میں انہیں حل کیا جائے گا۔

ان کا کہنا تھا کہ ڈرامے بازیوں کا دور گزرچکا ہے ماضی میں حکومتوں نے جنوبی پنجاب کے عوام کے ساتھ سوتیلی ماں جیسا سلوک روا رکھا، سابق دور حکومت میں ترقی اور خوشحالی کے نام پر دھوکا کیا گیا۔

عثمان بزدار کا شہریوں سے گفتگو کرتے ہوئے کہنا تھا کہ نئے پاکستان میں پسماندگی دور کرنے کےلیے اقدامات کیے گئے ہیں، جنوبی پنجاب کی عوام کےلیے علیحدہ سیکریٹریٹ بنایا جارہا ہے، جنوبی پنجاب کے ساتھ ہونے والی ناانصافیوں کا ازالہ کیا جائے گا۔

مزید پڑھیں : اچھی قوم کے لیے اچھے اساتذہ کی ضرورت ہے‘ عثمان بزدار

یاد رہے کہ اس سے قبل وزیر اعلیٰ پنجاب عثمان بزدار کا کہنا تھا کہ نئی تعلیمی پالیسی کا اعلان کرتے ہوئے کہا تھا کہ پرائمری لیول تک اردومیں تعلیم دی جائے گی، انگریزی کو بطور مضمون پڑھایا جائے گا۔

سردارعثمان بزدار نے کہا کہ مڈل لیول پرسائنس اورآرٹس کی تعلیم کے  رحجانات متعارف کرائیں گے، انصاف آفٹرنون پروگرام بھی شروع کیا جا رہا ہے، اسکولوں میں صاف پانی اور اسپورٹس لازمی ہوگی۔

Comments

comments

یہ بھی پڑھیں